कँटोन्मेंट : अनुसूचित जाती-जमातींसाठी राखीव असलेल्या पुणे कँटोन्मेंट विधानसभा मतदारसंघात सर्वाधिक 85 उमेदवारी दाखल झाले होते. त्यापैकी 58 अर्ज वैध झाले असून, 27 अर्ज अवैध ठरले आहेत, अशी माहिती पुणे कँटोन्मेंट मतदारसंघाच्या निवडणूक निर्णय अधिकारी नीता शिंदे यांनी दिली.
पुणे कँटोन्मेंट विधानसभा मतदारसंघात मुख्य राजकीय पक्षाचे उमेदवारांचे अर्ज वैध ठरले आहेत.त्यामध्ये भाजप शिवसेना युतीचे सुनिल कांबळे, कॉग्रेस राष्ट्रवादी आघाडीचे रमेश बागवे, वंचित बहुजन आघाडीचे लक्ष्मण आरडे, एमआयएमच्या हिना मोमीन, आम आदमी पार्टीचे खेमदेव सोनवणे, मनसेच्या मनिषा सरोदे, बहुजन मुक्ती पार्टीचे हुलगेश चलवादी यांच्यासह बंडखोरी केलेले काँग्रेसचे सदानंद शेट्टी, भाजपचे भरत वैरागे, शिवसेनेच्या पल्लवी जावळे यांच्यासह उर्वरित अपक्षांचे अर्ज वैध ठरले आहेत.
राखीव असलेल्या पुणे कँटोन्मेंट विधानसभा मतदारसंघात 85 उमेदवारांनी 89 अर्ज दाखल केले होते. अर्ज दाखल केलेल्यांमध्ये सर्वाधिक उमेदवार हे माढा (सोलापूर जिल्हा), नाशिक, सातारा, रायगड, मुळशी, काशेवाडी आणि मंगळवार पेठेतील उमेदवार असून, सोलापूर जिल्ह्यातील माढा तालुक्यातील उमेदवारांची संख्या सर्वांत अधिक असल्याचे दिसून आले.
दरम्यान, सोमवारी दुपारी तीन वाजेपर्यत उमेदवारी अर्ज माघारी घेण्याची अंतिम मुदत असून, त्यानंतर लागलीच निवडणुकीच्या रिंगणात उरलेल्या उमेदवारांना चिन्ह वाटप करण्यात येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.