मंचर (पुणे) :  उत्तर प्रदेशातून पिकप गाडीमध्ये दाटीवाटीने बसून प्रवास करणारे 33 जण पुणे-नाशिक रस्त्यावर मंचर (ता. आंबेगाव) येथे गुरुवारी (ता. २७) दुपारी दीड वाजता आढळले. त्यामुळे संबंधित पिकअप गाडी अडवून पोलिसांनी चालकाच्या विरोधात गुन्हा दाखल केला आहे. ही गाडी आळेफाटा व नारायणगाव येथून मंचरच्या दिशेला आली. पण, तेथील पोलिसांनी सोशल डिस्टन्सचा बोजवारा उडत असतानाही बघ्याची भूमिका घेतली. त्यामुळे त्यांच्या कार्यपद्धतीविषयी संशयाचे वातावरण निर्माण झाले आहे.

टेमघर धरणाची पाणीगळती 96 टक्के रोखण्यात यश
     
जिल्हाधिकारी राजेश देशमुख व जिल्हा पोलिस अधीक्षक संदीप पाटील यांनी बुधवारी (ता. २६) आंबेगाव- जुन्नर तालुक्याचा दौरा   केला. कोविडच्या पार्श्वभूमीवर संसर्ग झालेल्या रुग्णांची वाढती संख्या लक्षात घेऊन त्यांनी चिंता व्यक्त केली. मंचर, घोडेगाव, नारायणगाव, आळेफाटा, जुन्नर, ओतूर येथील पोलिस ठाण्यातील प्रभारींना सक्त आदेश देण्यात आले की, सोशल डिस्टन्स व प्रमाणित मास्क न वापरणाऱ्यांच्या विरोधात पोलिसांनी गुन्हे दाखल करावेत. पण, भरदिवसा पिकअप गाडीत असलेली गर्दी रस्त्यावर बंदोबस्तासाठी असलेल्या नारायणगाव व आळेफाटा पोलिसांच्या नजरेत आली नाही का, असा सवाल उपस्थित केला जात आहे. 

पुण्यात रुग्णालयाच्या दारात सोडला प्राण

खेड विभागाचे उपविभागीय पोलिस अधिकारी गजानन टोम्पे, पोलिस निरीक्षक कृष्णदेव खराडे यांनी मंचर शहरात प्रमाणित मास्क न वापरणारे व सोशल डिस्टन्सची अंमलबजावणी न करणारे मंचर येथील नागरिक व व्यापारी, अशा सहा जणांविरुद्ध गुन्हे दाखल केले आहेत. ही कारवाई सुरू असतानाच पिकप गाडीमध्ये दाटीवाटीत लोक बसल्याचे त्यांनी पाहिले. मंचर पोलिसांनी संबंधित पिकअप (यु.पी.९० ए.टी.०८०१) गाडी थांबवली. चालक रमेश बदलावा कुमार (वय ३५, रा. तिलकनगर, ता. आत्राम, जि. बाडा, उत्तरप्रदेश) याच्या विरोधात मंचर पोलिसांनी कारवाई केली आहे.