पुणे : जिल्ह्याच्या ग्रामीण भागातील आणखी ४ हजार ७७१ जणांना कोरोना विषाणू संसर्ग सदृश्य लक्षणे असल्याचे आढळून आले आहे.
यापैकी एक हजार ४७७ जणांनी कोरोना संशयित रुग्ण नोंदणीसाठी कार्यान्वित करण्यात आलेल्या आयडीएसपी (इंटिग्रेटेड डिसीज सर्व्हायलन्स प्रोग्राम) या संकेतस्थळावर याबाबत नोंदणी केली आहे. उर्वरित ३ हजार २९४ जणांची गुगल फॉर्मद्वारे माहिती मिळाली आहे.
दरम्यान, या सर्व संशयित रुग्णांची तपासणी करण्यात आली आहे. तपासणीनंतर यापैकी १९३ संशयित रुग्णांच्या घशातील द्रवाचे नमुने घेण्यात आले आहेत.
पुणे जिल्ह्याच्या ग्रामीण भागात आतापर्यंत ४४ कोरोना रुग्ण आढळून आले आहेत. यापैकी ५ जणांचा मृत्यू झाला आहे. तसेच ११८ जणांना उपचारासाठी रुग्णालयात दाखल करण्यात आले होते. त्यापैकी १०४ जणांना उपचारानंतर घरी परत सोडले आहे. अन्य १४ जणांवर उपचार सुरू आहेत.
दरम्यान, आतापर्यंत १ हजार १९६ प्रवाशांना क्वॉरंटाइन करण्यात आले होते. त्यापैकी १ हजार ३३ जणांचा १४ दिवसांचा क्वॉरंटाइन कालावधी पूर्ण झाल्याने त्यांनाही घरी सोडण्यात आले. सध्या १६३ जण क्वॉरंटाइन आहेत.
कोरोनासदृश लक्षणे असलेले संशयित
आंबेगाव - २००, बारामती - ११४६, भोर - ६५६, दौंड - १०९, हवेली - ९१, इंदापूर - १७१, जुन्नर - १४४, खेड - १०८, मावळ - ७६, मुळशी - ४४२, पुरंदर - ४२०, शिरुर - ११८३ आणि वेल्हे - २५.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.