पुणे - पुणे जिल्ह्यात मंगळवारी (ता.२३) दिवसभरात ५ हजार ७२२ नवे कोरोना रुग्ण आढळून आले आहेत. दिवसभरातील एकूण रुग्णांमध्ये शहरातील ३ हजार ९८ रुग्ण आहेत. जिल्ह्यातील दिवसभरातील एकूण रुग्णांची आजची ही  संख्या आतापर्यंतची सर्वाधिक आहे. दरम्यान, जिल्ह्यात आज ३८ रुग्णांचा मृत्यू झाला आहे. एकूण मृत्यूंमध्ये शहरातील २२ रुग्णांचा समावेश आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

आज शहरातील सर्वाधिक रुग्णांपाठोपाठ पिंपरी चिंचवडमध्ये १ हजार ५१९, जिल्हा परिषद कार्यक्षेत्रात ८११, नगरपालिका क्षेत्र २१६ आणि कॅंटोन्मेंट बोर्ड क्षेत्रात ७८ रुग्ण सापडले आहेत. दरम्यान, दिवसात ३ हजार १२६ कोरोनामुक्त झाले आहेत. कोरोनामुक्त रुग्णांमध्ये पुणे शहरातील १ हजार ६९८, पिंपरी चिंचवडमधील ८१२, जिल्हा परिषद कार्यक्षेत्रातील ५२६ , नगरपालिका आणि कॅंटोन्मेंट बोर्ड क्षेत्रातील प्रत्येकी ४५ जण आहेत.

शरद पवारांच्या बदनामीविरुध्द बारामतीत दोन ट्विटर खातेधारकांवर गुन्हा दाखल

सद्यःस्थितीत जिल्ह्यात ४२ हजार ६५० सक्रिय (ॲक्टिव्ह) रुग्ण आहेत. यापैकी ८ हजार ७६३ रुग्णांवर विविध रुग्णालयात उपचार चालू आहेत. उर्वरित ३३ हजार ८८७ जणांना गृहविलगीकरण करण्यात आले आहे. विविध रुग्णालयात उपचार घेत असलेल्या रुग्णांमध्ये शहरातील ३ हजार २, पिंपरी चिंचवडमधील १ हजार ९८०, जिल्हा परिषद कार्यक्षेत्रातील २ हजार ७९५ , नगरपालिका हद्दीतील ७५२ आणि कॅंटोन्मेंट बोर्ड क्षेत्रातील २३४ रुग्ण आहेत.

पुर्व हवेलीत विद्युत रोहित्र चोरट्यांचा धुडगुस पुन्हा सुरु

दिवसभरातील एकूण मृत्यूमध्ये शहरातील सर्वाधिक २२ रुग्णांबरोबरच पिंपरी चिंचवडमधील १०, जिल्हा परिषद हद्दीतील तीन, नगरपालिका क्षेत्रातील दोन आणि कॅंटोन्मेंट बोर्ड क्षेत्रातील एका रुग्णाचा समावेश आहे.

Edited By - Prashant Patil