पुणे : भाजप-शिवसेना महायुती सरकार असताना सुसूत्रीकरणासाठी रोजगार, कौशल्य विकास आणि उद्योजकता यांचे एकत्रीकरण करून 'महास्वयं' हे पोर्टल सुरू केले आहे. त्यावर लाखो उमेदवारांनी नोंदणी केलेली असताना, त्यांना रोजगार मिळालेला नाही. मग आता 'महाजॉब्स' पोर्टल काढणे म्हणजे नव्या आवरणात जुनाच माल भरला आहे, असा आरोप आम आदमी पक्षाचे शहराध्यक्ष मुकुंद किर्दत यांनी केला आहे.
महाविकास आघाडी सरकारच्या उद्योग विभाग, कामगार विभाग आणि कौशल्य विकास-उद्योजकता विभागाने 'महाजॉब्स' (https://mahajobs.maharashtra.gov.in/Portal/Login) हे नवीन पोर्टल सुरु केले आहे. त्याचा उद्देश, रोजगार शोधणार्यांना उद्योजकांशी जोडण्यासाठीचा संयुक्त उपक्रम आहे.
महाजॉब्स उद्योजकांना कुशल कामगार देऊन त्यांचे काम सुरळीत पार पाडण्यास मदत करते. नोकरी शोधणारे कामगार आणि उद्योजक यांच्यामधील दुवा म्हणून हे पोर्टल काम करेल. 'महास्वयं' पोर्टलचाही उद्देश तोच आहे. महास्वयं पोर्टलवर ६ लाख ३८ हजार ३१० रिक्त पदे आहेत, तर ८५ हजार १४६ उद्योगांची नोंदणी आहे आणि १८ लाख १८ हजार ४६३ उमेदवारांनी नोंदणी केलेली आहे.
पुण्याच्या बातम्या वाचण्यासाठी येथे क्लिक करा
या नोंदणीकृत उमेदवारांनी काय करायचे आहे ? महास्वयंवर उमेदवार आणि उद्योगातील रिक्त जागांची नोंदणी असताना एक नवीन पोर्टल तयार करण्यावर खर्च का केला गेला? जुन्या पोर्टलवरील नोंदी विश्वासार्ह नाहीत का? केवळ मराठी तरुणाला भुलवण्यासाठी याचा वापर केला जातो आहे का? अशी टीका मुकुंद किर्दत यांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.