महाळुंगे पडवळ (पुणे) : पुणे-नाशिक राष्ट्रीय महामार्गावर कळंब (ता.आंबेगाव) येथे नाशिक ते पुणे शिवशाही बस रविवारी (ता. २३) रात्री सव्वा नऊ वाजता पलटी झाली. अपघातात बसमधील आठ प्रवाशांना किरकोळ दुखापत झाली आहे. याबाबत एसटीचे चालक मनोहर देवमाने आहेर (वय ५८) यांनी मंचर पोलिस ठाण्यात सोमवारी (ता. २४) फिर्याद दिली आहे.        

वरसगाव ओव्हरफ्लो; खडकवासला धरणातून मुठा नदीपात्रात विसर्ग वाढवला

शिवशाही बस (एम. एच. ०६, बी. डब्लू ०६४१) पुण्याकडे जात होती. कळंब गावानजीक आल्यानंतर विरुद्ध दिशेने चारचाकी अचानकपणे एसटीच्या समोर आली. चालक आहेर यांनी एसटी डाव्या बाजूला घेतल्याने बस खड्‌ड्यात पलटी होऊन अपघात झाला. अपघातामध्ये बसमधील आठ जणांना किरकोळ दुखापत झाली आहे.

केंद्र सरकारच्या धोरणावर अजित पवारांचा सावध पवित्रा; सरसकट वाहतुकीबाबत वेगळा निर्णय घेणार?​     

उद्योजक नितिन भालेराव व ग्रामस्थांनी जखमी प्रवाशांना मंचर उपजिल्हा रुग्णालयात दाखल केले. अपघातग्रस्त बस रस्त्यालगत असल्याने मंचर व नारायणगावच्या बाजूने वाहनांची कोंडी झाली होती. मंचर पोलिस व ग्रामस्थांनी अपघातग्रस्त बस बाजूला केल्यानंतर वाहतूक पूर्ववत सुरु झाली. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

सचिन अंबादाज महाले (वय २३), पत्नी रुपाली सचिन महाले (वय २२, दोघे रा.भोसरी-पुणे) यांच्यासह आठ जणांना (नावे माहीत नाही) किरकोळ दुखापत झाली आहे. त्यांच्यावर मंचर उपजिल्हा रुग्णालयात उपचार सुरु होते. नारायणगावचे आगार प्रमुख विठे यांनी घटनास्थळी भेट देऊन रुग्णांची विचारपूस केली आहे. मंचर पोलिस पुढील तपास करत आहेत.