पुणे : गृहनिर्माण सोसायटीमधील कोरोना बाधित रुग्ण उपचारानंतर बरे होऊन परतल्यानंतर त्यांच्यावर तसेच नातेवाईक, केअरटेकर यांच्यावर बहिष्कार घालण्यात येऊ नये. तसेच, सोसायट्यांनी स्वत:ची वैयक्तिक बंधने लादू नयेत, असे निर्देश जिल्हाधिकारी नवल किशोर राम यांनी दिले आहेत.

- पुणे- मुळशी प्रवास करताय? सावधान..

कोरोनाबाधित रुग्ण आणि त्यांचे नातेवाईक यांच्याबाबत गृहनिर्माण संस्थांकडून स्वत:चे नियम तयार करुन सोसायटीमध्ये बंधने घालण्यात येत असल्याचे निर्दशनास येत आहे. गृहनिर्माण संस्थांनी कोरोनाचा प्रसार रोखण्यासाठी नागरिकांमध्ये मास्क लावणे, निर्जंतुकीकरण, सॅनिटाझरचा वापर, साबणाने हात धुणे, वयोवृद्ध व्यक्ती, लहान मुले, गरोदर स्त्रिया यांची काळजी घेणे तसेच सामाजिक अंतर राखणे, अनावश्यक गर्दी टाळणे या बाबींवर जनजागृती करुन उपाययोजना करणे आवश्यक आहे. 

- मोटार विहिरीत कोसळून महिलेसह दोन बालकांचा मृत्यू

जिल्ह्यातील सहकारी गृहनिर्माण संस्थांच्या चेअरमन, सचिव आणि सदस्यांनी सोसायटीमधील अत्यावश्यक सेवेतील अधिकारी, कर्मचाऱ्यांना योग्य वागणूक देण्यात यावी, त्यांना कामावर ये-जा करण्याकरिता प्रतिबंध करु नये. सोसायटीमधील अत्यावश्यक सेवा पुरवठा करणाऱ्या व्यक्ती, संस्था (प्लंबर, इलेक्ट्रीशियन, गॅस व पाणीपुरवठा करणाऱ्या व्यक्तींना सोसायटीमध्ये प्रतिबंध करु नये.

- पुणे : विना रेशन कार्डधारकांनो, मोफत धान्य वितरणाला झालीय सुरुवात!

सोसायट्यांनी राज्य सरकार आणि जिल्हा प्रशासनाने दिलेल्या सूचनेनुसार कार्यवाही करावी. आदेशाची अंमलबजावणी करण्यास टाळाटाळ केल्यास आपत्ती व्यवस्थापन कायदा आणि साथरोग अधिनियमानुसार कारवाई करण्यात येईल, असे निर्देश जिल्हाधिकारी राम यांनी दिले आहेत.

- ताज्या बातम्यांसाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे  क्लिक करा