पुणे : पुणे महानगरपालिकेच्या क्षेत्रात २०२०-२१ या शैक्षणिक वर्षात नव्याने समाविष्ट झालेल्या गावांमध्ये शासन मान्यता प्राप्त कनिष्ठ महाविद्यालयांमध्ये अकरावीची प्रवेश प्रक्रिया ऑनलाईन पद्धतीनेच होणार आहे, अशी माहिती अकरावी केंद्रीय प्रवेश नियंत्रण समितीच्या सचिव मीना शेंडकर यांनी दिली आहे.

- Breaking : आता पुणे जिल्हा परिषदेतही कोरोनाने केली एन्ट्री​

महापालिकेच्या क्षेत्रातील कळस, धानोरी, लोहगांव (उत्तर), लोहगांव (पूर्व), मुंढवा (केशवनगर पूर्व), हडपसर (साडेसतरानळी), फुरसुंगी, उरुळी देवाची दक्षिण पूर्व (हडपसर), महंम्मदवाडी, उंड्री, येवलेवाडी, कात्रज, धायरी, वडगांव बुद्रुक, आंबेगांव बुद्रुक, आंबेगांव खुर्द, शिवणे, बावधन खुर्द, वडगांव खुर्द, बाणेर, बालेवाडी या नव्याने समाविष्ट झालेल्या गावांतील सर्व मान्यता प्राप्त कनिष्ठ महाविद्यालयातील अकरावीचे प्रवेश ऑनलाईन पद्धतीने शासनाच्या https://pune.11thadmission.org.in या संकेतस्थळावरुन होणार आहेत.

- नव्या वीजजोडचा गोंधळ मिटेना; महावितरणचा दावा एक मात्र वस्तुस्थिती वेगळीच!​

या गावातील कनिष्ठ महाविद्यालयाची नोंदणी https://pune.11thadmission.org.in या संकेतस्थळावर करावी. तसेच महाविद्यालयाचे लॉग-इन करण्यासाठी त्वरित 11thonlineadmissiondydpune@gmail.com या ई-मेल आयडीवर प्रस्ताव पाठवावा. यासाठी १५ जुलैपर्यंतची मुदतवाढ असल्याने प्रथम प्राधान्याने कार्यवाही करावी. याबाबतचे निवेदन www.dydepune.com आणि pune.11thadmission.org.in या संकेतस्थळावर उपलब्ध आहे, असेही शेंडकर यांनी प्रसिद्ध निवेदनात म्हटले आहे.

- काय सांगता! राज्यातील पालकमंत्री पदे ही घटनाबाह्य!​

अकरावीसाठी ऑफलाइन प्रवेश नकोत
"कोणत्याही कनिष्ठ महाविद्यालयाने अकरावीचे प्रवेश ऑफलाईन पद्धतीने करण्यात येऊ नयेत. अन्यथा त्याची सर्वस्वी जबाबदारी संस्थेवर आणि प्राचार्यांवर राहील," असे अकरावी केंद्रीय प्रवेश नियंत्रण समितीच्या सचिव मीना शेंडकर यांनी सांगितले.

- ताज्या बातम्यांसाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)