पुणे : अनलॉक सुरू झाल्यानंतर धीम्या गतीने सुरू असलेली इंधन दरवाढ सुरूच आहे. शनिवारी पेट्रोलच्या दरवाढीने उच्चांक गाठला असून शहरात पेट्रोल 93.14 रुपये प्रति लिटर झाले आहे. आतापर्यंतची ही सर्वात उच्चांकी दरवाढ आहे.

2013 मध्ये पहिल्यांदा पेट्रोल 93 रुपये प्रति लिटर झाले होते. त्यानंतर आज ते 93.14 रुपये प्रति लिटर झाले आहे. डिझेल देखील महाग होत असून आज डिझेलचे दर 82.38 रुपये प्रति लिटर आहे. 2013 च्या तुलनेत कच्चा तेलाचे दर सध्या तीन पटीने कमी आहेत. मात्र तरीही दर पुन्हा 93 रुपये झाल्याने नागरिकांच्या खिशाला लागलेली आग आणखी वाढली आहे.

राज्यपालांनी आता आमचा अंत पाहू नये : अजित पवार 
राज्य आणि केंद्र सरकारने लावलेले कर हे इंधनाच्या किमती वाढण्यामागे एकमेव कारण आहे. पेट्रोलची मूळ किंमत ही 35 रुपयांच्या घरात आहे. उर्वरित सर्व रक्कम ही कर स्वरूपात वसूल केली जात आहे. कोरोनामुळे उद्भवलेल्या परिस्थितीचा विचार करता राज्य आणि केंद्र सरकारने कर काही प्रमाणात कमी करायला हवे.अली दारूवाला, राष्ट्रीय प्रवक्ता, आॅल इंडिया पेट्रोल डीलर्स असोसिएशन

''कोरोनाच्या संकटातून सावरत नाही तेच इंधन दरवाढ रूपी नवे संकट उभे राहिले आहे. गेल्या काही दिवसांपासून इंधनाचे दर सतत वाढत असल्याने महागाई देखील वाढणार आहे. एकीकडे पगार कपात व नोकरीची हमी नाही तर दुसरीकडे सततची इंधन दरवाढ यामुळे खिशावरील ताण आणखी वाढला आहे. त्यामुळे राज्य आणि केंद्र सरकारने पेट्रोलचे दर कमी करण्यासाठी त्वरित प्रयत्न करायला हवेत.''
- सिद्धार्थ जगताप,  दुचाकीधारक नोकरदार

अखेर कात्रज-स्वारगेट बीआरटीमार्गावर धावली बस; पाहा व्हिडिओ