पिरंगुट (पुणे) : मुळशी तालुक्यात आज कोरोनाचे आणखी २२ रुग्ण सापडले. त्यामुळे आता तालुक्यातील कोरोनाबाधितांची संख्या १३४ वर पोचली आहे. आजपर्यंतचा हा उच्चांकी आकडा आहे. दिलासा देणारी बाब म्हणजे ४१ रुग्ण बरे होऊन घरी आले आहेत. आज नवीन सापडलेल्या रुग्णांत आठ महिला व चौदा पुरुषांचा समावेश आहे.
मुळशी तालुक्यात आज जांबे येथे एक, बावधनला दोन, पिरंगुटला दोन, हिंजवडीला तीन, नांदे येथे दोन, भूगावला दोन, सूस येथे दोन, उरवडे येथे एक, मारुंजीला एक, नेरे येथे तीन, हाडशी येथे दोन, तर माण येथे एक रुग्ण सापडला आहे. तालुक्यातील कोरोनाग्रस्तांच्या आकडेवारीचा आलेख चढताच राहिल्याने चिंता वाढली आहे. सलग केवळ सहा दिवसांत तालुक्यात सुमारे सत्तर रुग्ण सापडले आहेत. त्यामुळे सरासरीने तालुक्यात रोज दहा रुग्णांची भर पडू लागली आहे.
मुळशी तालुक्यातील कोरोनाग्रस्तांनी कालच शंभरी ओलांडली होती. तालुक्यात काल नवीन १४ रुग्ण सापडले होते. काल सापडलेल्या चौदा जणांत नऊ पुरुष व पाच महिलांचा समावेश होता. कोरोनाग्रस्तांची ही मालिका चिंता करणारी ठरली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.