जुन्नर (पुणे) : जुन्नर तालुक्यातील बोरी बुद्रुक व खामुंडी येथे कोरोनाचा प्रत्येकी एक रुग्ण वाढल्याने तालुक्यातील कोरोनाच्या एकूण रुग्णांची संख्या 41 वर गेली आहे. त्यातील ३० जण बरे झाले असून, दोघांचा मृत्यू झाला आहे. तर, नऊ जण अॅक्टीव्ह आहेत. मात्र, 28 जणांचे अहवाल प्रलंबित आहेत. 

 पुण्यातील दोन खासदार टाॅप फाईव्ह परफाॅर्मर 

बोरी बुद्रुक येथील रुग्ण मुंबईहून आलेला आहे. त्याचे पहिले दोन अहवाल निगेटिव्ह, तर तिसरा अहवाल पॉझिटिव्ह आला. त्यामुळे त्याच्या संपर्कातील कुटुंबातील सदस्याचा स्वॅब तपासणीस पाठविण्यात आला होता. त्याचा अहवाल आज पॉझिटिव्ह आला आहे.

खरिप हंगामाच्या प्रारंभीच शेतकऱ्यांची कोंडी

तालुक्यात शुक्रवारी (ता. १९) खामुंडी येथे आढळून आलेल्या चार रुग्णांच्या संपर्कातील तेरा जणांपैकी एकाचा अहवाल पाॅझिटिव्ह आला आहे, तर मोकासबाग येथील मृत महिलेच्या संपर्कातील १६, अशा एकूण 28 जणांचे अहवाल प्रलंबित आहेत. जुन्नर, धामणखेल, राजुरी व नवलेवाडी ही गावे कोरोनामुक्त झाली आहेत. ओतूर, कुसुर, बोरी व खामुंडी येथील नऊ जण उपचार घेत असून, ३० जण बरे झाले आहेत, तर औरंगपूर व मोकासबाग येथील एकाचा मृत्यू झाला आहे.

जुन्नर तालुक्यात बाहेरगावाहून आलेल्या ३,९११ पैकी ३९ जण संस्थात्मक, तर ३,८७२ जणांना होम क्वारंटाइन करण्यात आले आहे.

पुण्याच्या इतर बातम्या वाचण्यासाठी येथे क्लिक करा  

जुन्न तालुक्यातील गावनिहाय बरे व मृत्यू झालेले व एक्टिव्ह रुग्णांचा तपशील पुढीलप्रमाणे : डिंगोरे- १  (बरा), सावरगाव- ५ (बरे), मांजरवाडी- २ (बरे), पारुंडे- ३ (बरे), आंबेगव्हाण- २ (बरे), धोलवड- ३ (बरे), धालेवाडीतर्फे मिन्हेर- १ (बरा), विठ्ठलवाडी -वडज- १ (बरा), शिरोलीतर्फे आळे २ (बरे), खिलारवाडी- १ (बरा), कुरण- १ (बरा), चिंचोली- ३(बरे), ओतूर- १ (बरा), जुन्नर- १ (बरा), राजुरी- १ (बरा), नवलेवाडी- १ (बरा), धामणखेल- १ (बरा). मृत्यू : औंरगपूर- १ (मृत्यू), मोकासबाग- १ (मृत्यू), एक्टिव्ह : ओतूर- १, कुसुर- १, बोरी- २, खामुंडी- 5.