कोळवण (पुणे) : मुळशी तालुक्यातील कुळे येथील एक 56 वर्षीय पुरुष कोरोनामुळे बाधित सापडला असून, त्याला पुण्यातील दिनानाथ मंगेशकर रुग्णालयात उपचारासाठी दाखल करण्यात आला आहे.

वा रे पठ्ठ्या शाळेसाठी आणला लाखोंचा निधी

मुळशी तालुक्यातील कोरनाबाधितांची संख्या तीसवर पोचली असून, 23 जणांनी कोरोनावर मात केली आहे. त्यामुळे सध्या तालुक्यात अॅक्टिव्ह रुग्णांची संख्या सात झाली आहे.  

दौंडच्या लेकीने नाव काढलं, नोकरी सांभाळून झाल्या डीवायएसपी

मुळशी तालुक्यातील भूगाव, बावधन, सूस, पिरंगुट, चाले आणि आता कुळे येथे कोरोना रूग्ण सापडल्याने मुळशीकरांच्या चिंतेत वाढ झालेली आहे. तालुक्यातील तहसील, पोलिस, आरोग्य व ग्रामपंचायत प्रशासन योग्य ती काळजी घेत असूनही हळूहळू एक गाव कोरोना रूग्णाने वाढत चालले आहे. सध्या भूगावात तीन, पिरंगुट, बावधन, कुळे आणि चाले खैरेवाडीमध्ये प्रत्येकी एक, असे सात जण उपचार घेत असून, त्यांची प्रकृतीही ठणठणीत होऊ लागली आहे.  

सलून दुकाने सुरू करण्याची परवानगी द्या, अन्यथा...

कुळे येथे सापडलेल्या रूग्णाच्या घरातील सात व उपचार घेत असलेल्या रुग्णालयातील एक, असे एकूण आठ जणांना होम क्वारंटाइन करण्यात आले आहे. रुग्ण राहत असलेला भाग कंटेनमेंट झोन करण्यात आला असल्याची माहिती तालुका आरोग्य अधिकारी अजित कारंजकर यांनी दिली.  

द्राक्ष उत्पादक शेतकऱ्यांसाठी अमोल कोल्हे मैदानात

मुळशी तालुक्यात पिरंगुटला 3 एप्रिलला तालुक्‍यातील पहिला कोरोना रुग्ण सापडला होता. त्यामुळे ग्रामस्थांनी आपापल्या गावात स्वयंघोषित कर्फ्यू पाळला होता. त्यानंतर 16 मे रोजी हिंजवडीत मुंबई संपर्कातील दुसरा रुग्ण सापडला. तेव्हापासून आतापर्यंत महिनाभरात तालुक्‍यात विविध गावात 28 रुग्ण आढळून आले आहेत. त्यामध्ये लवळ्यातील सिम्बायोसिस हॉस्पिटलमध्ये कोरोना रुग्णांवर उपचार करताना संपर्कात आल्याने दोन डॉक्‍टर आणि आठ नर्स यांना कोरोनाची बाधा झाली, तर जांब्यात 5, सूसमध्ये 2, बावधनमध्ये 2, भूगावला 3, पिरंगुटला 2, हिंजवडीत 3, माण 1 आणि चाले खैरेवाडी येथे 1 व आता कुळे येथे एक, असे एकूण 29 कोरोनारुग्ण आढळून आले.