पुणे : कोरोनाच संसर्ग टाळण्यासाठी न्यायालयातील बार रूम, कॅन्टीन आणि वकिलांचे चेंबर सध्या बंद आहेत. त्यामुळे न्यायिक चर्चेसाठी, खटल्याची कागदपत्रे जुळविण्यासाठी आणि पाऊस सुरू झाल्यावर आम्ही थांबायचे कुठे? असा प्रश्‍न वकिलांना पडला होता. मात्र यावर उपाय म्हणून न्यायालयाच्या पॅसेजमध्ये वकिलांच्या थांबण्याची व्यवस्था करण्यात येत आहे.

- ब्रेकिंग ! एमपीएससी परीक्षेचा निकाल लागला; प्रसाद चौगुले राज्यात प्रथम

याबाबतचे आदेश उच्च न्यायालयाने जिल्हा न्यायालयांना दिले आहेत. त्यामुळे पावसाळ्यात होणारी वकिलांची गैरसोय टळली आहे. कोरोनाच्या पार्श्वभूमीवर लागू करण्यात आलेल्या लॉकडाउनमुळे राज्यातील सर्व न्यायालयांचे कामकाज बंद होते. मात्र मुंबई उच्च न्यायालयाने दिलेल्या आदेशानुसार सध्या सकाळच्या सत्रात तत्काळ प्रकरणांवर सुनावणी होत आहे.

- लॉकडाउनमुळे राज्य सरकारच्या 'टिव्ही एज्युकेशन'ला बसली खीळ; काय आहे प्रकरण?

या सर्वांत न्यायालयाच्या आवारात गर्दी होऊ नये, कोरोनाचा प्रादुर्भाव रोखता यावा यासाठी उच्च न्यायालयाने राज्यातील न्यायालयातील बार रूम, कॅन्टीन, वकिलांचे चेंबर बंद ठेवण्याचा तसेच वकिलांना न्यायालयाच्या पोर्चमध्ये थांबण्यास मनाई केली होती. त्यामुळे पाऊस सुरू झाल्यावर न्यायालयात कामकाजासाठी आलेल्या वकिलांपुढे थांबायचे कुठे असा प्रश्‍न पडला होता.

मात्र उच्च न्यायालयाने न्यायालयीन कामकाजाच्या वेळेत पुन्हा बदल केल्याने आणि फक्त महत्त्वाच्या प्रकरणांवर सुनावणी होणार असल्याने न्यायालयात येणाऱ्या वकिलांची संख्या मर्यादित राहणार आहे. त्यामुळे वकिलांना पॅसेजमध्ये थांबण्यास परवानगी देण्यात आली आहे.

- 'कार्यशाळाच नाही, तर विद्यार्थ्यांना शिकवायचे कसे?' पुणे विद्यापीठातील प्राध्यापक संभ्रमात!

केवळ सकाळच्या सत्रात सुनावणी होणार असल्याने न्यायालयात होणारी वकिलांची गर्दी कमी होणार आहे. त्यामुळे पावसाळ्याच्या काळात या वकिलांच्या थांबण्याची, बसण्याची सोय न्यायालयाच्या पॅसेजमध्ये करण्याचा आदेश दिला आहे. न्यायालयाच्या आवारात मोठे पॅसेज, बाकडी उपलब्ध असल्याने वकिलांना बसण्यासाठी चांगली व्यवस्था करता येऊ शकते. तसेच सामाजिक अंतर देखील पाळले जाईल.
- ऍड. सतीश मुळीक, अध्यक्ष, पुणे बार असोसिएशन

- ताज्या बातम्यांसाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे  क्लिक करा