Attack on girls Father Sharp weapon refusing love sister beaten wanwadi
Attack on girls Father Sharp weapon refusing love sister beaten wanwadi 
पुणे

एकतर्फी प्रेमात झाला वेडा; मुलीच्या वडिलांवर केला जीवघेणा हल्ला, बहिणीलाही मारहाण

सकाळवृत्तसेवा

पुणे : तरुणीने प्रेमास नकार दिल्याच्या कारणावरुन मुलीच्या वडीलांवर टोळक्‍याने कोयत्याने वार करीत खुनाचा प्रयत्न केला. त्याचबरोबर मुलीसह तिच्या बहिणीलाही टोळक्‍याने मारहाण केली. हा धक्कादायक प्रकार रविवारी रात्री साडे अकरा वाजण्याच्या सुमारास हडपसरजवळील काळेपडळ येथील नेहरु पार्क गल्लीमध्ये घडला. याप्रकरणी चौघांविरुद्ध वानवडी पोलिस ठाण्यात गुन्हा दाखल करण्यात आला असून पोलिसांनी चौघांना अटक केली आहे. 

सौरभ अडागळे, सागर अडागळे, ओम भोसले व रोहीत भोसले अशी अटक केलेल्या संशयित आरोपींची नावे आहेत. याप्रकरणी 40 वर्षीय व्यक्तीने वानवडी पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी व त्यांचे कुटुंबीय हडपसरमधील काळेपडळ येथे राहतात. सौरभ अडागळे याचे फिर्यादीच्या मुलीवर एकतर्फी प्रेम होते. त्याने फिर्यादीच्या मुलीला प्रेमाची मागणी घातली होती, मात्र मुलीने त्यास नकार दिला होता. या कारणावरुन रविवारी रात्री साडे अकरा वाजण्याच्या सुमारास सौरभ अडागळे याने फिर्यादीच्या घरासमोर येऊन आरडाओरडा करीत फिर्यादीस जीवे मारण्याची धमकी दिली होती.

हेही वाचा - पुण्यात न्यायाधीशानेच घेतली 50 हजारांची लाच; जामीनावर झाली सुटका

या प्रकाराबाबत फिर्यादी पोलिस ठाण्यात तक्रार देण्यासाठी जात होते. ते काळेपडळमधील नेहरु पार्क गल्लीमध्ये आले, त्यावेळी संबंधीत तरुण व त्याच्या तीन साथीदारांनी फिर्यादीस अडविले. त्यानंतर सौरभ अडागळे याने फिर्यादीला "माझ्या भावाला तु का मारलेस, आता तुला जिवंत सोडणार नाही', असे म्हणून त्याच्या हातातील कोयत्याने फिर्यादीवर वार करण्याचा प्रयत्न केला. त्याचबरोबर आरोपींनी फिर्यादीस लाथाबुक्‍क्‍या व दगडांनी मारहाण केली. केवळ तेवढ्यावरच न थांबता आरोपींनी फिर्यादीच्या दोन्ही मुलींनाही जबर मारहाण केली. या घटनेनंतर आरोपींनी त्यांच्या हातातील कोयते हवेत फिरवून "आमच्या नादाला कोणी लागू नका, नाहीतर कोणालाही जिवंत सोडणार नाही', असे मोठमोठ्याने ओरडत परिसरामध्ये दहशत निर्माण केली. शहरात कोरोना विषाणूचा संसर्ग सुरू असल्याने शहरात संचारबंदी आदेश लागू करण्यात आला आहे. या आदेशाचे आरोपींनी उल्लंघन केले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sushilkumar Shinde : पंतप्रधान नरेंद्र मोदींना सत्तेची चटक;ही निवडणूक हुकूमशाही विरुद्ध लोकशाहीची

Prasad Khandekar: 'महाराष्ट्राची हास्यजत्रा' फेम प्रसाद खांडेकरच्या वाढदिवसानिमित्त नम्रता संभेरावची खास पोस्ट; दहा वर्षांपूर्वीचा फोटो शेअर करत म्हणाली...

DY Chandrachud: CJI चंद्रचूड मुलांमधील सायबर गुन्ह्यांबद्दल चिंतित, आंतरराष्ट्रीय सहकार्याचे केले आवाहन

Brittany Lauga: ड्रग्जच्या नशेत ऑस्ट्रेलियन महिला खासदाराचे लैंगिक शोषण, इंस्टाग्राम पोस्टद्वारे व्यक्त केल्या वेदना

ICC ची मोठी घोषणा! महिला T20 World Cup 2024 चे शेड्यूल जाहीर; जाणून घ्या कधी भिडणार भारत-पाकिस्तान

SCROLL FOR NEXT