विश्रांतवाडी (पुणे) : विश्रांतवाडी येथील चव्हाण चाळ येथे आज 10 मे रोजी सायंकाळी 6 च्या आसपास कुमार शांताराम देवकर (वय 35 रा. 112 वडारवाडी, विश्रांतवाडी) या तरुणावर 5 ते 6 लोकांनी हल्ला केला.

पुण्यात बघता बघता येरवडा परिसर बनला कंटेन्मेंट झोन

ज्यामध्ये कुमार शांताराम देवकर हा तरुण गंभीररीत्या जखमी झाला आहे. ही घटना चव्हाण चाळ येथे स्मशानभूमीच्या रस्त्यावर सार्वजनिक शौचालयाजवळ घडली. यात पूर्वीच्या भांडणावरून कुमारला दांडक्‍याने, दगडाने आणि बाटलीने मारण्यात आले. 

पुण्याच्या सुपर आजीबाईंना, कोरोनाला हरवले

मिळालेल्या माहितीनुसार कुमार देवकर याची देखील गुन्हेगारी पार्श्वभूमी आहे, विश्रांतवाडी पोलिस स्टेशनमध्ये त्याच्यावर अनेक गंभीर स्वरूपाच्या गुन्हाची नोंद असल्याची माहिती समोर आली आहे. त्याला 2017 ते 2019 या 2 वर्षाकरिता पुणे शहर व पुणे शहर आयुक्तालयाच्या हद्दीतून तडीपार केले होते 

पुणेकरांनो, सावधान ! 'या' भागात वावरतोय बिबट्या 

प्राथमिक माहितीनुसार हा हल्ला किरकोळ वादातून झाल्याचे समजते. या घटनेची माहिती मिळताच पोलिस उप आयुक्त पंकज देशमुख, सहायक पोलिस आयुक्त लक्ष्मण बोराटे, विश्रांतवाडी पोलिस ठाण्याचे वरिष्ठ पोलिस निरीक्षक अरुण आव्हाड तसेच गुन्हे निरीक्षक रवींद्र कदम यांनी तत्परता दाखवत फक्त 2 तासाच्या आत या प्रकरणातील संशयित आरोपींना अटक केले. 

पुण्याच्या इतर बातम्या वाचण्यासाठी येथे- क्लिक करा

या प्रकरणातील अटक करण्यात आलेल्या संशयितांची नावे - राजा अन्वर डिसूझा (वय 23 वर्ष, रा. वडारवस्ती), यश ऊर्फ जाबाद अन्वर डिसूझा (वय 21 वर्ष, रा. वडारवस्ती), प्रेम मिलिंद माने (वय 19 वर्ष, रा. भीमनगर), अनिल उत्तम औताडे (वय 21 वर्ष, रा. भीमनगर), परशुराम विलास जाधव (वय 21 वर्ष, रा. चव्हाण चाळ). या प्रकरणाचा पुढील तपास पोलिस उपनिरीक्षक संदीप यादव करत आहेत.