पुणे ः आर्थिक व्यवहाराच्या वादातून जीवे मारण्याच्या उद्देशाने दाम्पत्यावर धारदार शस्त्रांनी वार केले. या घटनेत पती-पत्नी गंभीर जखमी झाले असून याप्रकरणी चौघांविरुद्ध दत्तवाडी पोलिस ठाण्यात गुन्हा दाखल करण्यात आला आहे. ही घटना शुक्रवारी दुपारी एक वाजण्याच्या सुमारास सिंहगड रस्त्यावरील सई हेरीटेज या ठिकाणी घडला. 

आता बातम्या ऐकण्यासाठी डाऊनलोड करा ई-सकाळचे ऍप 

याप्रकरणी माधुरी सांगळे (वय 31, रा. सिंहगड रस्ता) यांनी फिर्याद दिली आहे. त्यावरुन चौघांविरुद्ध गुन्हा दाखल करण्यात आला आहे. फिर्यादी व आरोपी हे एकमेकांचे नातेवाईक आहेत. फिर्यादीची सासू व त्यांची मावस सासू यांच्यात चार महिन्यांपुर्वी झालेल्या आर्थिक व्यवहारावरुन वाद झाले होते.

शरद पवारांच्या शब्दाचं वजन पाहा; एका पत्रावर 'या' नेत्याची नजरकैदेतून सुटका

दरम्यान, फिर्यादीचे पती सागर व त्यांच्या ओळखीच्या मीना दिवटे, आकाश जालीने असे चौघेजण शुक्रवारी दुपारी एक वाजता त्यांच्या घराजवळ गप्पा मारत होते. फिर्यादीचे पती सागर हे त्यांच्या वडीलांशी मोबाईलवरुन बोलत होते. त्यावेळी त्यांच्याघरोसमोर दुचाकीवरुन आलेल्या त्यांच्या नातेवाईकांनी जुन्या आर्थिक वादातुन त्यांना शिवीगाळ केली. त्यानंतर आरोपींनी फिर्यादी यांच्यासह त्यांच्या पतीच्या डोक्‍यात धारदार शस्त्रांनी वार केले. या घटनेत दोघेही गंभीर जखमी झाले. या प्रकरणाचा तपास पोलिस उपनिरीक्षक मनोज अभंग करीत आहेत. 

काम असेल तरच ऑफिसला या; राज्यात सर्वाधिक कोरोनाग्रस्त पुण्यात!