पुणे : पुण्यात चोरीच्या घटना होत असताना आता डिक्की चोरांनी धुमाकुळ घातला आहे. रिक्षांच्या डिक्की उचकटून पैसे चोरल्याचा प्रकार समोर आला आहे.  हा प्रकार सोमवारी पहाटे येरवड्यातील सुभाषनगर भागात घडला. गेले दोन दिवस हा प्रकार सुरु असून त्यामुळे रिक्षाचालक धास्तावले आहेत.

Video : पहाटेचा 'लिंबूडाव' झाला कॅमेऱ्यात कैद, काय ते पाहा...
 

सोमवारी पहाटे येरवड्यात गोल्फ क्लब रस्त्यावर बुर्हाण क्लास शेजारी वाघेश्वर डेअरी समोर उभ्या असलेल्या रिक्षाची डिक्की उचकटून त्यातून अंदाजे 10 हजार रुपयांवर डिक्की चोरांनी डल्ला मारला. निवृत्ती झपके यांची ती रिक्षा होती. त्यानंतर, याच ठिकाणी सलग दुसऱ्या दिवशी पुन्हा रिक्षांच्या  डिकी उचकटून चोरीचा प्रयत्न करताना डिक्की चोर सीसीटिव्हीत कैद झाला. परिसरातील 7 रिक्षांच्या डिक्की उचकटून त्यातील सामान अस्ताव्यस्त करुन चोरीचा
 प्रयत्न करण्यात आला.
पाणीपुरीवाली आजी सोशल मीडियावर व्हायरल (व्हिडिओ)

येरवडा पोलिसांनी या प्रकाराची माहिती घेतली असून घटनेचा तपास करत आहे. सीसीटिव्हीच्या सहाय्याने रिक्षांच्या डिक्कीचोराचा शोध सुरु आहे. या डिक्कीचोराला तात्काळा अटक करम्याची मागणी स्थानिकांनी केली आहे.

ताज्या बातम्यांसाठी डाऊनलोड करा ई-सकाळचे ऍप