Makar Sankranti festival : सहकारनगर : मकर संक्रांतीच्या सणानिमित्त लहानांपासून ते मोठ्यांपर्यंत प्रत्येकजण पतंग उडविण्याचा आनंद घेत असतात. संक्रांतीनिमित्त पतंग खरेदीसाठी लहान मुलांची लगबग सुरू आहे.
पतंग विक्रीसाठी बाजारपेठा रंगीबेरंगी वेगवेगळ्या प्रकारच्या डीसाईनचे पतंग लावून ग्राहकांना आकर्षित करण्यासाठी सजली आहे. मात्र पतंग उडविताना लागणारा दोरा हा कोणत्या प्रकारचा आहे. लहान मुले कोणता दोरा वापरतात याकडे मात्र कोणाचे लक्ष दिसत नाही.
दरवर्षीप्रमाणे यंदा ही बाजारपेठेत चायनीज नायलॉनचा मांजा मोठ्या प्रमाणात दुकानात विक्री केली जात असल्याचे चित्र शहरात आणि उपनगरात पाहायला मिळत आहे. मात्र पतंग उडवताना लागणारा मांजा हा सर्वत्र दुकानांमध्ये उपलब्ध झाला आहे, यावर कारवाई कोण करणार? असा प्रश्न सामान्य नागरिक उपस्थित करीत आहेत.
पन्नास रुपयाचा मांजा एखाद्या माणसाचं आयुष्य गमावू शकतो, हे आपण अनेक वेळा पाहिलेले आहे. तसेच आकाशात उडणारे पक्षीही मांजामुळे मृत्युमुखी पडले आहेत. अतिशय धोकादायक असलेल्या मांजाने पक्षांचे तसेच दुचाकीवरून जाताना नागरिकांचे गळे कापले आहेत. तर अनेक नागरिक गंभीर जखमी केले आहे, असा चायनीज मांजा बाजारपेठ आणि दुकानात सर्वत्र उपलब्ध झाला आहे.
यावर खऱ्या अर्थाने कारवाई कोण करणार? असा प्रश्न नागरिक करीत आहेत. मात्र, कर्तव्यदक्ष असणारे प्रशासन मात्र एकमेकांकडे बोट दाखवत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.