रामवाडी(पुणे) :  वडगावशेरी येथील रामनगर भागात कोरोना पेशंट आढळल्याने परिसराचा वाहतूक रस्ता बॅरिकेट्स व सिमेंट पाईपने सील करण्यात आला होता. पेशंट उपचार घेऊन घरी परतले कित्येक महिने झाले तरी अजुनही  बॅरिकेट्स व सिमेंट पाईप त्याच ठिकाणी अजुन ही पडून आहेत. त्यामुळे हा राडारोड लवकरात लवकर उचलला जावा अशी मागणी स्थानिक रहिवासी करित आहे.
 

 ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

रामनगर भागात एकाच घरातील कोरोना पेशंट अधिक मिळाले होते. त्यामुळे तो परिसराचा वाहतूक रस्ता त्यावेळी सील करण्यात आला होता. रुग्ण उपचार घेऊन घरी परतून कित्येक महिने लोटले पण, सील करण्यासाठी वापरण्यात सिमेंट पाईप वळणावरच बाजुला टाकण्यात आल्याने किरकोळ स्वरूपाचे अपघात सदर ठिकाणी घडत आहे. मुळात हा रस्ता अरुंद असुन नेहमीच गजबजलेला असतो. त्यामुळे रस्त्याच्या कडेला टाकण्यात आलेला राडारोडा लवकरात लवकर उचलण्यात यावा अशी मागणी नागरिकांकडून केली जात आहे. 

हा रस्ता अरुंद आहे नेहमी गजबजलेला असतो वळणाच्या ठिकाणी सिमेंट  पाईप राडारोडा टाकल्यमुळे किरकोळ अपघाताची दाट शक्यता असते. रस्त्यावरील साहित्य उचले जावे अशी आमची  मागणी आहे.
- ​उमा शेंडे

बार, हॉटेलचालकांनो, आता नियम मोडू नका नाहीतर... 

''सदर ठिकाणी  जे साहित्य   रस्त्यावर  पडलेले  आहेत  ते  लवकरात लवकर  हलवण्यात येईल.''
- मुकुंद घम, आरोग्य निरीक्षक नगररोड क्षेत्रीय कार्यालय