पुणे : राज्यातील अनुसूचित जातींच्या विद्यार्थ्यांसाठी राज्यसेवा पूर्व परीक्षा तसेच इतर स्पर्धा परीक्षांच्या तयारीसाठी डॉ. बाबासाहेब आंबेडकर प्रशिक्षण व संशोधन (बार्टी) संस्थेकडून सुरू करण्यात आलेले प्रशिक्षण वर्ग बंद करण्यात आल्यामुळे विद्यार्थ्यांसमोर अडचणी निर्माण झाल्या आहेत. 

बातम्या ऐकण्यासाठी डाऊनलोड करा ई-सकाळचे ऍप
अनुसूचित जातीतील उमेदवारांसाठी राज्यसेवा परीक्षा -2020 साठी पुण्यातील प्रशिक्षण संस्थेमध्ये निःशुल्क आणि अनिवासी प्रशिक्षणासाठी जून 2019 मध्ये बार्टीद्वारे राज्यसेवा परीक्षेसाठी 50 जागांसाठी जाहिरात प्रसिद्ध करून अर्ज मागविण्यात आले. यानुसार 10 ऑगस्ट 2019 रोजी परीक्षा होऊन 1 सप्टेंबरपासून प्रशिक्षण वर्ग सुरू होणे अपेक्षित होते. मात्र वेळापत्रकात बदल करत दोन वेळा परीक्षा पुढे ढकलण्यात आली. अंतिमतः 1 सप्टेंबर रोजी परीक्षा होऊन 18 सप्टेंबर रोजी निकाल जाहीर करण्यात आला. निकालानंतर 10 दिवसांत गुणवत्ता यादी जाहीर करून प्रशिक्षण वर्ग सुरू होणे अपेक्षित होते. मात्र, प्रशिक्षण वर्गांना अद्याप सुरुवात झालेली नाही.

Coronavirus : आईला कोरोना; पण नवजात अर्भक ठणठणीत
राज्यसेवा पूर्वपरीक्षा-2020 पूर्वनियोजित वेळापत्रकानुसार 5 एप्रिलला होणार होती, मात्र कोरोनाच्या पार्श्वभूमीवर परीक्षा 26 एप्रिल रोजी आयोजित करण्याचे निश्चित केले. मात्र, कोरोनाच्या प्रादुर्भावामुळे परीक्षा अनिश्चित काळासाठी पुढे ढकलण्यात आली आहे. तत्पूर्वी बार्टीने प्रशिक्षण वर्गाविषयी उमेदवारांना अद्याप कोणतीही माहिती न दिल्याने उमेदवारांच्या मनात भविष्याशी खेळ सुरू असल्याची भावना निर्माण झाली आहे. 

Video : आयटीयन्स'ला सोशल डिस्टन्सिंगची धाकधूक; पालकमंत्र्याकडे मांडली कैफियत
स्पर्धा परीक्षांचे प्रशिक्षण वर्ग घेण्याबाबत पूर्ण तयारी करण्यात आली होती. कोरोनाच्या प्रादुर्भावामुळे ते शक्य झाले नाही. सध्या सर्व प्रशिक्षण वर्ग बंद असून, कोरोनाचा प्रादुर्भाव संपल्यानंतर प्रशिक्षण वर्ग तात्काळ सुरू करण्यात येतील.

Corona Virus : पुण्यात 4 तास बेवारस मृतदेह रस्त्यावर, कोरोनाची भीती? मागत होता 'ही' औषधे
-  कैलास कणसे, महासंचालक, बार्टी