पुणे : महाविद्यालयीन विद्यार्थ्याची दुचाकी रस्त्याच्याकडेला थांबलेल्या मालवाहू कंटेनरला धडकली. या अपघातात गंभीर जखमी झालेल्या विद्यार्थ्याचा उपचारादरम्यान मृत्यू झाला. ही घटना रविवारी (ता.१६) दुपारी चार वाजता कात्रज-देहूरोड बाह्यवळणावरील आंबेगाव खुर्द येथे घडली. काही दिवसांपूर्वीच संबंधीत विद्यार्थ्याने आपल्या आईला मुत्रपिंड देऊन तिला जीवदान दिले होते. 

- ताज्या बातम्यांसाठी डाऊनलोड करा ई-सकाळचे ऍप

प्रणव अतुल गलगले (वय 21, सध्या रा. किवळे फाटा, मूळ रा. विर्लेपार्ले, मुंबई) असे अपघातातील मृत्यू झालेल्या विद्यार्थ्याचे नाव आहे. प्रणव हा शहरातील सिम्बायोसीसच्या अभियांत्रीकी महाविद्यालयामध्ये शिक्षण घेत होतो. प्रणव किवळे फाटा येथील एका सोसायटीत सदनिका भाडेतत्वावर घेऊन राहात होता.

- ठाकरे सरकारला पुन्हा दणका; राज्यपालांनी फेटाळला 'हा' निर्णय

रविवारी दुपारी चार वाजता तो त्याच्या दुचाकीवरुन कात्रज-देहूरोड बाह्यवळण महामार्गावरुन त्याच्या घरी निघाला होता. त्याची दुचाकी चार आंबेगाव खुर्दजवळील डिमार्ट समोर आली. त्यावेळी प्रणवचे दुचाकीवरील नियंत्रण सुटले. त्यानंतर रस्त्याच्याकडेला थांबलेल्या मालवाहू कंटेनरला त्याच्या दुचाकीची जोरात धडक बसली. त्यामध्ये त्याच्या डोक्‍याला व पोटाला गंभीर दुखापत झाली.

- Women's T20 World Cup : पूनमने घेतली कांगारुंची फिरकी; भारताचा दणक्यात विजय

पोलिसांच्या मदतीने स्थानिक नागरीकांनी त्यास उपचारासाठी भारती हॉस्पीटलमध्ये दाखल केले. तेथे प्रथमोपचार केल्यानंतर व प्रकृती चिंताजनक असल्यामुळे त्यास दुसऱ्या रुग्णालयात हलविण्यात आले. मात्र रुग्णालयात पोचण्यापुर्वीच त्याचा मृत्यु झाला. या प्रकरणाचा तपास सहाय्यक पोलीस निरीक्षक मोहन देशमुख तपास करीत आहेत. 

- मोठी बातमी : राज्यपाल बंदोबस्त आटोपून परततांना पोलिसांच्या गाडीला अपघात...

प्रणव कायम कार चालवित असे. मात्र रविवारी तो दुचाकी घेऊन गेला. त्याचवेळी त्याचा अपघात झाला. प्रणवच्या आईचे एक मूत्रपिंड निकामी झाले होते. त्यामुळे प्रणवने आईला आपले मूत्रपिंड देऊन तिचा जीव वाचविला होता, असे त्याच्या मित्रांनी पोलिसांना माहिती दिली.