खेड शिवापूर (पुणे) : हवेली तालुक्यातील मोरदरी येथे रविवारी रात्री एका अज्ञात व्यक्तीचा चादरीत गुंडाळलेला मृतदेह आढळून आला आहे. याप्रकरणी राजगड पोलिसांनी अज्ञात व्यक्तिविरोधात खुनाचा गुन्हा दाखल केला असून, मृतदेहाची ओळख पटविण्याचे काम सुरू आहे. 

खडकवासला प्रकल्पातील पाणीसाठ्यात एवढ्या टक्क्यांनी वाढ

याबाबत राजगड पोलिसांनी माहिती दिली की, कोंढणपूर ते कल्याण या रस्त्यावर मोरदरी गावाच्या हद्दीतील एका शेतातील करवंदाच्या झुडपात चादरीत गुंडाळलेला एक मृतदेह रविवारी रात्री ग्रामस्थांना आढळून आला. ग्रामस्थांनी ही माहिती पोलिसांना दिली. त्यानुसार राजगड पोलिसांनी सदर ठिकाणी जाऊन पंचनामा करून तो मृतदेह ताब्यात घेतला आहे. 

पुण्याच्या इतर बातम्या वाचण्यासाठी येथे क्लिक करा

हा मृतदेह नग्न अवस्थेत चादरीत गुंडाळलेला होता. त्या मृत व्यक्तीचे वय अंदाजे 45 वर्षे आहे. अंगाने सडपातळ, उंची पाच फूट सहा इंच, डोक्यावर काळे-पांढरे केस, दाढी वाढलेली असे या मृत व्यक्तीचे वर्णन आहे. तर, त्याच्या उजव्या डोळ्याच्या बुबळावर जखम झालेली आहे.

हुश्श, पुण्यातील हे धरण भरणार

याबाबत राजगडचे पोलिस निरीक्षक विनायक वेताळ यांनी सांगितले की, या व्यक्तीचा अज्ञात कोणीतरी खून करून हा मृतदेह मोरदरी येथे टाकून दिला आहे. याप्रकरणी खुनाचा गुन्हा दाखल करण्यात आला असून, मृतदेहाची ओळख पटविण्याचे काम सुरू आहे.