पुणे : महामारीच्या या काळात माणूस माणसाच्या मदतीला येत नसल्याचे अनेक उदाहरणे आपण पाहिली. परंतु अशा परिस्थितीत विहीर पडलेले एक मांजर काढण्यासाठी कोणी जीवपणाला लावेल का, असा जर प्रश्‍न विचारला, तर त्याचे उत्तर नाही असेच मिळेल. परंतु मंगळवारी सकाळी कसबा पेठेतील मुजुमदार वाड्यात तीस फूट खोल विहिरीत अडकून पडलेले मांजर एका तरुणाने काढून तिला जीवदान दिले. 

पुण्याच्या बातम्या वाचण्यासाठी येथे ► क्लिक करा

कसबा पेठेत हा ऐतिहासिक वाडा आहे. या वाड्यातील विहिरीमध्ये एक मांजर आज सकाळी पडले. वाड्याच्या मालकीण अनुपमा मुजुमदार यांच्या ते लक्षात आले. नगरसेवक योगेश समेळ आणि अग्निशामक दलाशी त्यांनी संपर्क साधण्यात आला. दलाचे जवानही तत्काळ मदतीला धावून आले. त्याचवेळी तेथून जवळ असणाऱ्या भोई आळीतील अक्षय शेलार तेथे आला. विहीर पन्नास फुटांहून अधिक खोल आहे. अंधार असल्यामुळे मांजर दिसत नव्हती. फक्त तिच्या ओरडण्याचा आवाज येत होता.

ताज्या बातम्यांसाठी डाऊनलोड करा ई-सकाळचे ऍप

शेलार ट्रेकर्स असल्यामुळे त्यांने घरी जाऊन रोप आणला. दलाच्या जवानांच्या मदतीने तो विहिरीत जवळपास तीस फूट खोल उतरला. तरी देखील मांजरी सापडत नव्हती, आवाज मात्र येत होता. शोधाशोध केल्यानंतर तेव्हा कात्रज येथील तलावातून या विहिरीत पाणी आणण्यासाठी त्या काळी टाकण्यात आलेले तीन पाइप त्याला दिसले. त्या पाइपमध्ये ही मांजर जाऊन बसली होती. शेलारने तिला पकडून बाहेर काढले आणि अग्निशामक दलाच्या जवानांच्या मदतीने तो आणि मांजरी दोन्ही सुरक्षित बाहेर आले. तेव्हा वाड्यात जमलेल्या सर्वांचा जीव भांड्यात पडला. 

कोरोनाची प्रत्येक बातमी ठरतेय पुणेकरांसाठी महत्त्वाची; कारण...