केसनंद (पुणे) : हवेली तालुक्यातील आष्टापूर गावच्या सरपंचपदी कविता जगताप यांची, तर उपसरपंचपदी विकास कोतवाल यांची बिनविरोध निवड झाली. या निवडणुकीतील वैशिष्टयपूर्ण बाब म्हणजे कविता जगताप यांचे बंधू रामकृष्ण सातव पाटील यांनी आपली बहिण सरपंचपदी विराजमान झाल्यानंतर त्यांना ईनोवा कार भेट देत सर्वांनाच आश्चर्याचा धक्का दिला.  

- Valentine Special: 'फिल माय लव्ह', आर्याची जादू आजही कायम!​ 

मंगळवारी (ता.९) आष्टापूर ग्रामपंचायतीत सरपंच, उपसरपंदाची निवडणूक बिनविरोध संपन्न झाली. यावेळी सरपंच, उपसरपंचपदासाठी प्रत्येकी एकेकच अर्ज आला होता. त्यामुळे मंडलाधिकारी तथा निवडणूक निर्णय अधिकारी दीपक चव्हाण यांनी सरपंचपदी कविता जगताप यांची, तर उपसरपंचपदी विकास कोतवाल यांची बिनविरोध निवड जाहीर केली. त्यांना ग्रामविकास अधिकारी ज्योत्स्ना बगाटे यांनी सहाय्य केले. यावेळी उपस्थित मान्यवरांनी नवनिर्वाचित पदाधिकाऱ्यांचा सन्मान केला. यावेळी गावच्या सर्वांगीण विकासासाठी सर्व सहभागातून वैशिष्ट्यपूर्ण कामे करणार असल्याचे सरपंच कविता जगताप तसेच उपसरपंच विकास कोतवाल यांनी सांगितले.

- पंतप्रधानांच्या भाषणावर अखिलेश यादव आक्रमक; मोदींना म्हणाले 'चंदा जिवी'

भाऊ-बहिणीच्या नात्याचा आदर्श
सध्या शहरालगत वाढते औद्योगीकरण आणि जमिनीच्या वाढत्या बाजारभावामुळे भाऊ-बहिणीच्या नात्यात दुरावा येत चालत आहे. असे असताना अष्टापूर गावात मात्र बहीण सरपंचपदी विराजमान झाल्यानंतर भावाने त्यांना ईनोवा कार भेट देत भाऊ-बहिणीच्या नात्याचा एक चांगला आदर्श घालून दिला आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)