पुणे : पुणे महापालिकेच्या माध्यमिक, उच्च माध्यमिक व रात्र प्रशाला या शाळांमध्ये तात्पुरत्या स्वरूपात मानधनावर करार पद्धतीने शिक्षकांची पदे भरण्यात येणार आहेत. मात्र शिक्षक भरतीच्या प्रतीक्षेत असणाऱ्या हजारो उमेदवारांची या तात्पुरत्या शिक्षक भरतीमुळे काहीशी निराशा झाल्याचे चित्र आहे.
महापालिकेच्या शाळांमध्ये तात्पुरत्या स्वरूपात मानधनावर करार पद्धतीने केवळ सहा महिने मुदतीसाठी किंवा महापालिकेत अतिरिक्त ठरलेल्या शिक्षकांचे समायोजन होईपर्यंत ही शिक्षक भरती असणार आहे. सहा महिने किंवा अतिरिक्त शिक्षकांचे समायोजन होईपर्यंत या दोन्हीपैकी कमी असेल त्या कालावधीसाठी रिक्त पदांवर ही भरती केली जाणार आहे. रिक्त पदांवर एकवट मानधनावर शिक्षकांची निवड यादी बी.एड. लेखी परीक्षेचे गुण आणि अभियोग्यता चाचणीच्या गुणानुक्रमे तयार करण्यात येणार आहे.
बायकोवर बलात्कार आणि 20 लाखाची खंडणी; काय आहे प्रकरण
माध्यमिक विभाग मराठी माध्यम विषयनिहाय- 24, उर्दु माध्यम - 12, उच्च माध्यमिक मराठी माध्यम विषयनिहाय- 07, उर्दु माध्यम विषयनिहाय 08 आणि माध्यमिक विभाग रात्र प्रशाला मराठी माध्यम विषयनिहाय 03 जागांसाठी ही भरती प्रक्रिया राबविण्यात येत आहे. ही शिक्षक भरती पूर्णपणे तात्पुरत्या व हंगामी स्वरूपाची असून, या पदावर नियुक्त होणाऱ्या उमेदवारास महापालिका सेवेत राहण्याचा अधिकार मागता येणार नीार. हे शिक्षक पद आवश्‍यकतेनुसार सहा महिने मुदतीसाठी अथवा पवित्र प्रणालीमार्फत शिक्षक उपलब्ध होईपर्यंत किंवा अतिरिक्त ठरलेले शिक्षक समायोजन होईपर्यंत यामध्ये जो कालावधी कमी असेल त्या कालावधीसाठी नेमणूकीत राहणार असल्याची माहिती महापालिकेच्या माध्यमिक व तांत्रिक शिक्षण विभागाचे शिक्षणाधिकारी शिवाजी दौंडकर यांनी दिली आहे.
"राज्य सरकारने शिक्षक भरतीसाठी पवित्र पोर्टल उपलब्ध करून दिले असताना, ही कंत्राटी पद्धतीने शिक्षक भरती कशासाठी?, हा प्रश्‍न आहे. मुळात:च महापालिकेत शिक्षकांची अनेक पदे रिक्त आहेत. परंतु केवळ कंत्राटी पद्धतीने तात्पुरती शिक्षक भरती करायच्यानिमित्ताने उमेदवारांची दिशाभुल केली जात आहे. गेल्या काही वर्षांपासून शिक्षक भरतीच्या प्रतीक्षेत असणाऱ्या उमेदवारांना दिलासा देण्यासाठी महापालिकेने रिक्त पदेही पवित्र पोर्टलद्वारेच भरली पाहिजेत.''
- संतोष मगर, संस्थापक- अध्यक्ष, डी टी एड, बी एड स्टुडंट असोसिएशन
- विद्यार्थी-पालकांसाठी महत्त्वाची बातमी; परीक्षा फी वाढीला पुणे विद्यापीठाने लावला ब्रेक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.