पुणे : कोरोनाचा पुण्यातील उद्रेक कमी करण्यासाठी महापालिका आणि जिल्हा प्रशासन करीत असलेल्या प्रयत्नांची केंद्र सरकारच्या पथकाने मंगळवारी बारकाईने पाहणी केली. तसेच सील असलेल्या पेठांमधील काही भागांची पाहणी करून शेल्टर हाऊसलाही भेट दिली.

बातम्या ऐकण्यासाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा 

केंद्रीय ऊर्जा मंत्रालयाचे अतिरिक्त सचिव संजय मल्होत्रा यांच्या नेृतृत्वाखालील पाच सदस्यीय पथक पुण्यात आढावा घेण्यासाठी दाखल झाले आहे. अजून दोन दिवस हे पथक शहरात असेल. यावेळी महापौर मुरलीधर मोहोळ यांनी त्यांचे स्वागत केले. या पथकाने स्मार्ट सिटीच्या कार्यालयाला भेट देऊन तेथून कोरोनासाठी सुरू असलेल्या कमांड अॅंड कंट्रोल रुमच्या कामकाजाची माहिती घेतली. त्यानंतर लायगुडे दवाखाना, सिंहगड कोविड केअर सेंटर, नायडू रुग्णालय, सोनावणे रुग्णालय, भवानी पेठतील सील
असलेला भाग तसेच काही निवारा गृहांचीही पाहणी केली.

तसेच घरोघरी जाऊन सर्वेक्षण करणाऱ्या कर्मचाऱ्यांशी त्यांनी संवाद साधला. शहरात करोना संबंधी सर्वेक्षण करणारे कर्मचारी, डॉक्टर यापैकी कोणासही अद्याप संसर्ग
आढळून आलेला नाही, या बद्दल त्यांनी समाधान व्यक्त केले.

एका वृत्त वाहिनीच्या 25 कर्मचाऱयांना कोरोना अन्...

पुणे शहरातील लॉकडाऊनची अंमलबजावणी कशा पद्धतीने होत आहे. घराबाहेर पडणारे लोक, त्यांचे सोशल डिस्टन्सिंग, तसेच तपासणी, विलगीकरण, उपचारांसंदर्भात आरोग्य यंत्रणेची सुसज्जता, या सेवेत आघाडीवर काम करणारे सेवक, डॉक्टरांबाबत घेण्यात येणारी खबरदारी, संबंधित पीपीई किट, सोशल डिस्टन्सिंगचे पालन याबाबतही त्यांनी बारकाईने माहिती घेतली.

गुड न्यूज! भारतात कोरोनाची पहिली चाचणी यशस्वी...

महापालिका आयुक्त शेखर गायकवाड, अतिरिक्त महापालिका आयुक्त व पुणे स्मार्ट सिटीच्या मुख्य कार्यकारी अधिकारी रुबल अग्रवाल, जिल्हाधिकारी नवल किशोर राम, अतिरिक्त आयुक्त शंतनू गोयल, सहायक आरोग्य अधिकारी डॉ. वैशाली जाधव, माहिती तंत्रज्ञान विभागप्रमुख राहुल जगताप व इतर अधिकारी उपस्थित होते. आयुक्त गायकवाड व अग्रवाल यांनी वॉर रूमचे स्वरूप व कार्यपद्धतीबाबत माहिती दिली.
 

Coronavirus : नायडू, ससूनला 10 स्वॅब टेस्टींग बूथ प्रदान