पुणे : पुणेकरांसाठी गेली साडेतीन चार महिने रस्त्यावर उतरुन काम करणाऱ्या महापौरांना कोरोना होताच राज्याचे मुख्यमंत्री उध्दव ठाकरे यांनी मोहोळ यांच्या तब्येतीची विचारपूस केली. पुणेकरांसाठी आपण लढलात झटलात असे सांगत उध्दव ठाकरे यांनी महापौर मोहोळ यांच्या कामाचे कौतुक केले आणि शाबासकी दिली. खासगी रुग्णालयातील उचारानंतर महापौर गुरुवारी रात्री घरी गेले.
९ मार्चला कोरोनो पुण्यात शिरकाव केला. तेव्हापासून पुणेकरांच्या सुरक्षेसाठी महापौर मोहोळ हे झटून काम करत होते. त्यांच्या या कामाचे कौतुक उपमुख्यमंत्री अजित पवार यांनी केले होते. दरम्यान, महापौर मोहोळ यांच्यावर कोरोनाने हल्ला केला. त्यामुळे ते एका खासगी रुग्णालयात उपचार घेत होते. यावेळी मुख्यमंत्री ठाकरे यांनी मोहोळ यांची विचारपूस केली. तसेच केंद्रीय मंत्री प्रकाश जावडेकर, विधानसभेचे विरोधी पक्षनेते देवेंद्र फडणवीस, भाजपचे प्रदेशाध्यक्ष चंद्रकांत पाटील यांनीही महापौर मोहोळ यांच्याशी संपर्क साधून तब्येतीची विचारपूस केली.
कोरोनापासून पुणेकरांचा बचाव व्हावा यासाठी मोहोळ यांनी आरोग्य यंत्रणांचे जाळे विस्तारले. दुसरीकडे मात्र, कोरोनाचा आवाका वाढतच राहिल्याने सगळ्या यंत्रणा तोकड्या ठरण्याची भिती होती. तरीही कोरोनाचा अटकाव करण्यासाठी महापौर मोहोळ हे रस्त्यावर उतरुन स्वत: उपाययोजना आखत होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.