पुणे : रुग्ण संख्या जास्त असल्याने प्रतिबंधित क्षेत्रातील बंद करण्यात आलेल्या रस्त्यांवरून आता पोलिस आणि स्थानिक नागरिक असा संघर्ष सुरू झाला आहे. बंद केलेले रस्ते खुले करून त्यावरून जाऊ द्यावे, अशी मागणी केल्याने नागरिक आणि पोलिसांमध्ये आज दुपारी कसबा पेठेत खडाजंगी झाली.

पुण्याच्या इतिहासातील 'ती' काळी तारीख...ढगफुटी...आंबिल ओढा..अन्...  

शहराच्या मध्यवर्ती भागातील पेठांमध्ये कोरोनाचे सर्वाधिक रूग्ण सापडले आहेत. त्यामुळे  लॉकडाऊनच्या काळात 'या' भागातील नागरिकांनी घराबाहेर पडून गर्दी करू नये, यासाठी अंतर्गत रस्ते ठिकठिकाणी बॅरिकेडस, बांबू आणि पत्रे लावून बंद करण्यात आले आहेत. लॉकडाउनच्या काही अटी शिथिल करण्यात आल्यानंतर प्रतिबंधित क्षेत्र वगळता इतर भागात दुकाने तसेच कार्यालये सुरू झाली आहेत. त्यामुळे आता प्रतिबंधित क्षेत्रातील नागरिकही घराबाहेर पडत आहेत. मात्र ते राहत असलेल्या परिसरातील रस्ते अद्याप बंद असल्याने नोकरी तसेच इतर महत्वाच्या कामानिमित्त वाहन घेवून बाहेर पडण्यात त्यांना अडथळे येत आहे.

पुणे- मुळशी प्रवास करताय? सावधान..

आज दुपारी कसबा पेठेतून शिवाजी रस्त्यावर येणारा गल्लीतील बंद केलेला रस्ता खुला करावा, यासाठी वाहनचालक आणि पोलिसांमध्ये किरकोळ वाद झाले. यावेळी काही नागरिकांनी बांबु काढण्याचा प्रयत्न केला असता पोलिसांनी त्यांना विरोध केला. यावेळी दुचाकीवर असलेले   वाहनचालक बंद केलेल्या रस्त्यावरून आम्हाला शिवाजी रस्त्यावर येवू द्या, तसेच शिवाजी रस्त्यावरून कसबा पेठ भागात जावू द्यावे या मागणीसाठी अडून बसले होते. मात्र, पोलिसांनी त्यांना वाहतुकीस परवानगी नाही, असे कारण देत तेथून जाण्यास सांगितले. पेठांतगर्त रस्ते अडीच महिन्यांपासून वाहतुकीस बंद आहेत. त्यामुळे तेथील नागरिकांना शहराच्या पूर्व भागात पुणे स्टेशन, ससून हॉस्पिटल, नाना पेठ, कॅम्प आदी भागात जाण्यात अडचणीला सामोरे जावे लागत आहे. त्यामुळे या परिसरातील रस्ते खुले करण्याची मागणी होत आहे.

मोटार विहिरीत कोसळून महिलेसह दोन बालकांचा मृत्यू