पुणे - तुम्हाला तुमच्या आसपास कोरोनाच्या रुग्णांची संख्या कमी झालेली जाणवतेय ना? गेल्या चार महिन्यांपूर्वी आपल्या घराच्या, सोसायटीच्या आसपास एकामागून एक कोरोना रुग्णांचे निदान होत होते. ही परिस्थिती आता दिसत नाही, हे तुमच्याही लक्षात आले असेल ? नेमका हाच शास्त्रीय निष्कर्ष पुणे महापालिकेचाही आहे. शहरात गेल्या चार महिन्यांमधील कोरोना विषाणूंच्या संसर्गाचा सर्वांत कमी दर सध्या नोंदला जातोय. अर्थातच, याचे सर्व श्रेय पुणेकरांचे! 

राज्यातील कोरोना विषाणूचा पहिला रुग्ण 9 मार्चला पुण्यात आढळल्यानंतर वेगाने संसर्ग वाढत गेला. पुण्यात सप्टेंबरमध्ये सर्वाधिक मोठा उद्रेक झाल्याचे आकडेवारीवरून दिसते. पुण्यात 11 ते 17 सप्टेंबर या आठवड्यात कोरोनाची चाचणी केलेल्या प्रत्येक शंभरपैकी 30 जणांचा कोरोनाचे निदान झाले होते. त्यानंतर मात्र, कोरोनाच्या रुग्णांची संख्या टप्प्याटप्प्याने कमी होत गेली. त्या वेळी एकेका दिवसांतील कोरोना संसर्गाचे प्रमाण 32 टक्‍क्‍यांपर्यंत वाढले होते. ते आता सर्वांत कमी आहे. पुण्यात 4 जानेवारीला गेल्या दहा महिन्यांमधील सर्वांत कमी संसर्गाचा दर म्हणजे 4. 6 टक्के होता. त्या दिवशी पुण्यात दोन हजार 901 कोरोनाच्या तपासण्या झाल्या. त्यापैकी फक्त 135 रुग्णांचा रिपोर्ट पॉझिटिव्ह आला. या आधारावर हा निष्कर्ष पुणे महापालिकेच्या आरोग्य विभागाने काढला आहे. 

अकरावीच्या विद्यार्थ्यांनो, 'प्रथम येणाऱ्यास प्रथम प्राधान्य' फेरीद्वारे होणार अॅडमिशन​

कमी होण्याची प्रमुख कारणे 
- मास्क, सॅनिटाझरचा वापर - पुणेकरांनी गेल्या दहा महिन्यांमध्ये प्रत्येक दिवशी वेळोवेळी हात निर्जंतुक करण्याची सवय स्वत-ला लावून घेतली. हॅंड ग्लोअज वापरायला सुरवात केली. कोठेही गेल्यानंतर तळ हाताला सॅनिटाझर लावायचे, हे आता आपल्या अंगवळणी पडले आहे. तसेच, घराबाहेर पडताना मास्कचा वापर होतो. त्यामुळे संसर्गाचे प्रमाण नियंत्रित करण्यात प्रशासनाला यश आले. 

- गर्दीची ठिकाणे टाळणे - गणपती, दिवाळी अशी अपवादात्मक गर्दी वगळता बहुतांश गजबजलेल्या ठिकाणी जाण्याचे लोकांनी टाळले. 

शिक्षक-शिक्षकेतर कर्मचाऱ्यांसाना मिळणार 'विमा कवच' तेही 50 लाख रुपयांचे​

- तातडीने केलेल्या चाचण्या - सर्दी, ताप, खोकला अशी सामान्य लक्षणे दिसताच वेळ न घालवता बहुतांश पुणेकरांनी तातडीने कोरोना चाचणी केली. महापालिकेचे स्वॅब सेंटर, रुग्णवाहिका या ठिकाणी जाऊन रुग्णांनी या चाचण्या केल्या. सप्टेंबरमध्ये एकेका स्वॅब सेंटरवर 200 रुग्ण रांगेत असायचे. ते प्रमाण आता 30-40 पर्यंत कमी आले आहे. 

- लवकर निदान आणि प्रभावी उपचार - कोरोना संसर्गाचे लवकर निदान आणि त्यावर केलेले प्रभावी उपचार हे सूत्र प्रशासनाने ठेवले. मधुमेह, हृदयविकारासारख्या इतर आजाराच्या रुग्णांमध्ये कोरोनामुळे उपचारात गुंतागुंत वाढण्याचा धोका असतो. या पार्श्‍वभूमीवर पुण्यात तातडीने प्रभावी उपचारास डॉक्‍टरांनी प्राधान्य दिले. त्यात रेमडेसिव्हिर हे इंजेक्‍शन प्रभावी ठरले. 

- पायाभूत सुविधा वाढविल्या - प्रत्येक रुग्णाला त्याच्या गरजेप्रमाणे उपचारांसाठी बेड उपलब्ध होईल, अशी पायाभूत सुविधा निर्माण केली. 

पुण्यातील इतर बातम्या वाचण्यासाठी क्लिक करा

पुण्यात गेल्या 29 डिसेंबरला कोरोनाच्या संसर्गाचा दर 10 टक्के होता. नवीन वर्षांमध्ये संसर्गाचा दर 4.6 टक्‍क्‍यांपर्यंत कमी आला आहे. हा आतापर्यंतचा सर्वांत कमी संसर्गाचा दर आहे. 
- डॉ. संजीव वावरे, सहायक आरोग्य अधिकारी, पुणे महापालिका. 

पुणे : तनिष्क ज्वेलर्समधून महिलांनी 4 लाखाच्या सोन्याच्या बांगड्या केल्या लंपास!