कात्रज (पुणे): दक्षिण पुण्याचे प्रवेशद्वार असलेल्या कात्रज घाटात मोठ्या प्रमाणावर कचरा साचला होता. त्यानंतर कात्रज घाटाचा कचरा डेपो या मथळ्याखाली सकाळमधून वृत्त प्रसिद्ध झाले होते. त्यानंतर भिलारेवाडी ग्रामपंचायत प्रशासनाने याबाबत दखल घेत ग्रामपंचायतीच्या हद्दीत असणारा सर्व कचरा साफ करून घेत या कचऱ्याची योग्य विल्हेवाट लावली आहे.
आणखी वाचा - तरुणीच्या सुटकेसाठी ट्विटरवर सुरू झाली मोहीम
मात्र, ग्रामपंचायतीकडून त्यांच्या हद्दीतीलच कचरा उचलण्यात आल्याने हद्दीबाहेरील कात्रज घाटातील कचरा तसाच पडून आहे. त्यामुळे होणारा त्रास आणि दुर्गंधी कमी झालेली नाही. भिलारेवाडी ग्रामपंचायतीकडून त्यांच्या हद्दीतील कचऱ्याची जबाबदारी घेण्यास ग्रापंचायत तयार असून हद्दीबाहेरील कचऱ्याची जबाबदारी घेणार नसल्याचे स्पष्ट करण्यात आले आहे. त्यामुळे भिलारेवाडी ग्रामपंचायत हद्दीबाहेरील कचऱ्याला वाली कोण? कोणतेही प्रशासन घाटातील कचऱ्याची जबाबदारी घेण्यास तयार नाही.
सकाळने सातत्याने वृत्त देऊनही प्रशासनाकडून दखल घेतली जात नाही. भिलारेवाडी ग्रामपंचायत हद्दीतील कचरा हटविल्याने काहीसा दिलासा मिळाला असला तरी हद्दीबाहेरील घाटातील कचऱ्याचा प्रश्न कधी सुटणार आणि दक्षिण पुण्याच्या प्रवेशद्वारावार दुर्गंधीने होणारे स्वागत कधी थांबणार हा प्रश्न तसाच आहे.
आणखी वाचा - ईडी लागली पत्रकारांच्या मागे; न्यूज क्लिकच्या ऑफिसवर छापा
''सकाळच्या वृत्ताची दखल घेत काहीतरी बदल झाला ही बाब दिलासादायक असली तरी शहरातील दवाखान्यातील मेडिकल वेस्टेज आणि घरगुती कचरा लोक या भागात आणून टाकत आहेत. त्यामुळे पुण्याच्या दक्षिण प्रवेशद्वारावर दुर्गंधीने असे स्वागत होणे हे दुर्देवी आहे.''
- महेश मांगडे, स्थानिक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.