न्हावरे (पुणे) : चिंचणी (ता. शिरूर) व बोरी (ता. श्रीगोंदा) दरम्यान, पुणे व नगर या जिल्ह्यांना जोडणाऱ्या घोड नदीपात्रात पुलाची सोय नसल्यामुळे ग्रामस्थांना धोकादायक पद्धतीने होडीतून प्रवास करावा लागत आहे. गरज व मागणी लक्षात घेऊन प्रशासनाने येथील नदीपात्रात पूल बांधावा, अशी मागणी दोन्ही तालुक्‍यातून होत आहे.

 समाजाच्या विघ्नहर्ता स्वरूपाचा अभूतपूर्व जागर; ‘सकाळ’चा उपक्रम

शिरूर तालुक्‍यातील न्हावरे, गुनाट, निमोणे, निर्वी, चिंचणी आणि श्रीगोंदा तालुक्‍यातील बोरी, हंगेवाडी, चिंबळे आदी परिसरातील ग्रामस्थांची सातत्याने नदीपात्रातून ये-जा असते. नदीपात्रावर बैठा नळ्यांचा पूल आहे. मात्र, त्याची मोठ्या प्रमाणात दुरवस्था झाली आहे. काही दिवसांपूर्वी ग्रामस्थांनी लोकवर्गणी करून पुलाची व नजीकच्या रस्त्याची दुरुस्ती करून वाहतूक चालू केली होती.

पुण्यात पावसाचा जोर ओसरणार; यंदा शहरात ५९४.२ मिलिमीटर पावसाची नोंद

मात्र, आता मागील आठवड्यापासून घोड नदीला पाणी आल्यामुळे पूल व रस्ता पाण्याखाली गेला आहे. सध्या पुलावरून पाच फुटांपेक्षा अधिक पाणी वाहत आहे. त्यामुळे वाहतूक बंद झाली आहे. ग्रामस्थ सध्या ये-जा करण्यासाठी गरज म्हणून धोकादायक पद्धतीने होडीमधून प्रवास करत आहेत. 
 

खासगी क्‍लासेसला परवानगी मिळणार; पुणे महापालिका आखणार नवीन नियमावली

पावसाळ्यात दरवर्षी नदीला पाणी आल्यावर पाणी कमी होईपर्यंत दोन-तीन महिने दोन्ही तालुक्‍यातील ग्रामस्थांची कुचंबणा होते. तरी नदीपात्रावर पूल व्हावा यासाठी शिरूर हवेलीचे आमदार ऍड. अशोक पवार व श्रीगोंद्याचे आमदार बबनराव पाचपुते यांच्याकडे सामूहिकपणे प्रयत्न करणार आहे. 
- नामदेव पवार, उपसरपंच