पुणे - बांधकाम व्यावसायिक येमुल अँड संचेती असोसिएट्‌सविरोधात महाराष्ट्र रिअल इस्टेट रेग्युलेटरीमध्ये (महारेरा) दाखल करण्यात आलेली तक्रार फेटाळण्यात आली.
महारेराचे न्यायिक अधिकारी बी. डी. कापडणीस यांनी हा आदेश दिला. याप्रकरणी मंजूषा ज्ञानेश्‍वर भुसारी (रा. मार्केट यार्ड) यांनी तक्रार दाखल केली होती. येमुल अँड संचेती असोसिएट्‌सचा हडपसर येथे ‘यश रेसिडेन्सी’ हा गृहप्रकल्प आहे. त्याची जमीन तक्रारदाराचे पती आणि इतरांकडून घेतली होती. त्याबदल्यात त्यांना तीन कोटी ७५ लाख रुपये देण्याचे ठरले. बिल्डरने सुरुवातीला भुसारी यांना २५ लाख रुपये दिले व उर्वरित रक्कम धनादेशाद्वारे दिली. तर, बिल्डरने भुसारी यांना दुसऱ्या प्रकल्पातून १ कोटी रुपये किमतीची सदनिका देण्याचा निर्णय घेतला.
या सदनिकेचा ताबा मार्च २०१५ पर्यंत देण्याचे ठरले होते. मात्र, भुसारी यांनी केलेल्या तक्रारीत जमिनीच्या इतर मालकांना समाविष्ट केले नव्हते. त्यामुळे केवळ भुसारी यांना सदनिकेचा ताबा दिल्यास इतर मालक त्यावर प्रश्‍न उपस्थित करू शकतात, असा युक्तिवाद बिल्डरचे वकील आर. बी. सोनी यांनी केला. तसेच, ही तक्रार रद्द करण्याची मागणीही केली होती. ती रेराने मान्य केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.