खेड शिवापूर (पुणे) : चक्रीवादळ व पावसामुळे नुकसान झालेल्या हवेली तालुक्यातील गोगलवाडी येथील अंजीर बागांच्या नुकसानीची पाहणी करून ताबडतोब पंचनामे करा, असा आदेश पुणे जिल्हा परिषदेच्या अध्यक्षा निर्मला पानसरे यांनी शनिवारी प्रशासनाला दिला.

आदिवासी शेजमजुरांना नव्हते काम, ही योजना आली त्यांच्या मदतीला 

पानसरे यांनी शनिवारी सकाळी गोगलवाडी येथील वादळ आणि पावसाने नुकसान झालेल्या अंजीर बागांची पाहणी केली. त्यावेळी त्यांनी ताबडतोब पंचनामे करण्याचा आदेश प्रशासनाला दिला. जिल्हा परिषदेच्या कृषी व पशुसंवर्धन समितीचे सभापती बाबूराव वायकर, जिल्हा परिषद सदस्या पूजा पारगे, हवेलीचे गटविकास अधिकारी प्रशांत शिर्के, गोगलवाडी ग्रामपंचायतीचे सरपंच अशोक गोगावले, ग्रामपंचायत सदस्य, कृषी आणि महसूल कर्मचारी आदी या वेळी उपस्थित होते.

कोरोनामुळे जिम व्यवसायिकांच्या अडचणीत वाढ

गोगलवाडी गावात अंजीर फळाचे मोठे उत्पादन होते. काही दिवसांपूर्वी आलेल्या वादळ आणि पावसात गोगलवाडी येथील अंजीर बागांचे पावसाने कोलमडून नुकसान झाले होते. या पार्श्वभूमीवर पानसरे यांनी शनिवारी नुकसान झालेल्या अंजीर बागांची पाहणी केली. या वेळी त्यांनी अंजीर बागांचे नुकसान झालेल्या अंजीर उत्पादक शेतकऱ्यांशी संवाद साधला. या वेळी त्यांनी याठिकाणी उपस्थित कृषी अधिकारी, ग्रामसेवक आणि तलाठी यांना ताबडतोब नुकसानग्रस्त अंजीर बागांचे पंचनामे करण्याच्या सूचना दिल्या. तसेच, या वेळी पानसरे यांनी गोगलवाडी गावच्या पाणी पुरवठा टाकीच्या सुरू असलेल्या कामाचीही पाहणी केली.