पुणे : शहरासह जिल्ह्यातील 21 मतदारसंघात एकूण 444 उमेदवारांनी अर्ज दाखल केले होते. त्यापैकी 71 उमेदवारांचे अर्ज बाद ठरवण्यात आले. त्यामुळे जिल्ह्यात एकूण 373 उमेदवार निवडणुकीच्या रिंगणात असणार आहेत.

शहरातील आठ मतदारसंघात 208 उमेदवारांनी नामनिर्देशनपत्रे दाखल केली होती. त्यात 43 उमेदवारांचे अर्ज बाद ठरले आहेत. पुणे कॅन्टोन्मेंट मतदारसंघात सर्वाधिक 27 उमेदवारांचे अर्ज बाद ठरले आहेत.

कसबा पेठेत कमी वयाच्या उमेदवाराचा अर्ज नामंजूर

विधानसभा निवडणुकीसाठी कसबा पेठ मतदारसंघातील इच्छुक उमेदवार नरेंद्र पावटेकर या अपक्ष उमेदवाराचा अर्ज बाद ठरविण्यात आला. त्यांचे वय 25 वर्षांपेक्षा कमी असल्यामुळे अर्ज बाद ठरविण्यात आल्याची माहिती निवडणूक निर्णय अधिकारी संतोषकुमार देशमुख यांनी दिली.

Vidhan Sabha 2019 : चंद्रकांत पाटील म्हणतात, 'मेधा कुलकर्णी यांच्यावर अन्याय करून निवडणूक लढवतोय'

कसबा पेठ विधानसभा मतदारसंघात एकूण 15 उमेदवारांनी 19 अर्ज दाखल केले होते. त्यापैकी दोन उमेदवारांचे अर्ज नामंजूर झाले आहेत. त्यामुळे 13 उमेदवारांचे अर्ज वैध ठरले आहेत. बहुजन समाज पक्षाचे उमेदवार फैय्याज मुश्‍ताक सय्यद राज यांच्या एबी फॉर्मवर पांढऱ्या शाईने खाडाखोड आणि एकच प्रस्तावक असल्याच्या कारणास्तव तो अर्ज नामंजूर करण्यात आला आहे.

Vidhan Sabha 2019 : काँग्रेसच्या स्टार प्रचारकांची नावे जाहीर; कोण कोण करणार प्रचार?