नसरापूर : नसरापूरमध्ये 3 मे रोजी अढळलेल्या कोरोनाग्रस्त पती पत्नी उपचारानंतर कोरोनामुक्त झाले असून, यामुळे भोर तालुका देखील कोरोनामुक्त झाला आहे. दांपत्याचे आज (ता. 17) रोजी त्यांचे नसरापूर येथे आगमन झाल्यावर ग्रामस्थांनी फुलांच्या वर्षावात त्यांचे स्वागत करुन आनंद व्यक्त केला. 

- ताज्या बातम्यांसाठी डाऊनलोड करा ई-सकाळचे ऍप

नसरापूर येथे 3 मे रोजी कोरोनाग्रस्त व्यक्ती अढळल्यानंतर दुसरयाच दिवशी त्यांची पत्नी देखील कोरोना पाँझिटिव्ह आढळल्यानंतर दोघांवर पुणे येथे उपचार चालू होते पंधरा दिवसाच्या उपचारानंतर दोंघांच्याही इतर सर्व तपासण्या निगेटिव्ह आल्याने त्यांची आज रविवार (ता.17 रोजी) रुग्णालयातून मुक्तता करण्यात आली.

- पुण्यावर नामुष्की : ऍम्ब्युलन्स न आल्यानं रस्त्यावर एकाचा मृत्यू 

भोर आरोग्य विभागाच्या वतीने त्यांना नसरापूर येथे आणण्यात आले, यावेळी ते राहत असलेल्या गृहरचनासंस्थेच्या आवारात प्रशासन व रहिवाश्यांच्या वतीने त्यांचे स्वागत करण्यात आले. यावेळी जिल्हा परिषद सदस्य विठ्ठल आवाळे, पंचायत समितीचे माजी उपसभापती लहुनाना शेलार, मंडलाधिकारी एस. बी. कंडेपल्ली, तलाठी जे. डी. बरकडे, नसरापूरचे सरपंच डॉ. गणेश हिवरेकर, वैद्यकीय अधिकारी डॉ. जयदीप कापशीकर, स्वप्नलोक गृहरचना सोसायटीचे अध्यक्ष व राष्ट्रवादीचे जिल्हाउपाध्यक्ष गणेश बागल आदी मान्यवर यावेळी उपस्थित होते.

 सोशल डिस्टन्सचे पालन करुन यावेळी पती पत्नीचे स्वागत करण्यात आले, तर सोसायटी मधील रहिवाशांनी आपापल्या घराच्या गॅलरीमधून फुले उधळून तसेच घंटानाद करुन स्वागत केले. कोरोनामुक्त उभयतांचे डोळे यावेळी भरुन आले होते, सर्वांनी केलेल्या स्वागताचा स्विकार करुन सर्वांचे अभार व्यक्त केले.

- 'फुकट काम करा, नाहीतर राजीनामा द्या'; पुण्यातील आयटी कंपनीचा प्रताप!

विठ्ठल आवाळे यांनी यावेळी नसरापूर कोरोनामुक्त राहण्यासाठी ग्रामस्थांसह आरोग्य विभाग प्रशासन, ग्रामपंचायत यांनी कशोशीने प्रयत्न करुन यश मिळवल्याबद्दल सर्वांचे अभिनंदन केले. गणेश बागल यांनी सोसायटीच्या सर्व रहिवाशांनी नियमांचे योग्य प्रकारे पालन केल्याने नविनरुग्ण आढळले नसल्याने सर्वच रहिवाशी या य़शाचे मानकरी असल्याचे सांगितले.

- ताज्या बातम्यांसाठी डाऊनलोड करा ई-सकाळचे ऍप