सासवड (पुणे) : पुरंदर तालुक्यातील सुपे खुर्द येथील एकाचा कोरोना रिपोर्ट पॉझिटिव्ह आला आहे. सुपे खुर्द गाव सासवड शहरापासून केवळ दोन किलोमीटर अंतरावर आहे. तसेच, या गावाचा रस्ता सासवडमधून जातो. त्यामुळे 60 हजार लोकसंख्येच्या सासवड शहरातील नागरिकांसाठी हा मोठा धोका आहे.
पुरंदर तालुक्यात आता कोरोनाचे तीन रुग्ण झाले आहेत. मुंबईतून आलेले व पुण्यात जाणारे व येणारे नोकरदार, ही पुरंदरसाठी पुढील काळात मोठी डोकेदुखी ठरणार असल्याचे सुप्याच्या रुग्णामुळे स्पष्ट झाले आहे.
हडपसरलगतच्या सिरम कंपनीमधील एक व्यक्तीचा कोरोना अहवाल पॉझिटिव्ह आला आहे. त्यामुळे त्यांनी त्यांच्या कंपनीमधील अनेकांची कोरोना तपासणी केली. त्या तपासणीमध्ये काही लोकांचे अहवाल पॉझिटिव्ह आले. त्यात पुरंदर तालुक्यातील सुपे गावातील व्यक्ती पॉझिटिव्ह आहे. संबंधित व्यक्ती काल कंपनीमध्ये गेली होती. त्यावेळी कंपनीने त्यांना लगतच्या रुग्णालयात दाखल केले आहे. प्रशासनामार्फत पुढील कार्यवाही करण्यात येत आहे.
पुण्याच्या इतर बातम्या वाचण्यासाठी येथे क्लिक करा
याबाबत पुरंदरच्या तहसीलदार रूपाली सरनौबत यांनी पुरंदर तालुक्यातील जनतेला आवाहन केले की, बाहेरगावाहून आलेल्या व्यक्तींनी स्वतःला होम क्वारंटाइन करावे व सहकार्य करावे. कुटुंबाने त्यांच्या संपर्कात येऊ नये. तसेच, दररोज पुणे येथे जाणाऱ्या व येणाऱ्यांनी व अत्यावश्यक सेवेतील लोकांनी कार्यालय व घर या शिवाय गावात इतरत्र फिरू नये. अन्यथा त्यांच्यावर कडक कारवाई करणे उद्यापासून सुरू करू.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.