सोमेश्वरनगर (पुणे) : बारामती तालुक्यातील मुरुम येथील एक मध्यमवयीन गृहस्थ आज कोरोनाग्रस्त असल्याचे स्पष्ट झाले आहे. ते पुणे येथे उपचार घेत आहेत. यानिमित्ताने येथील परिसरात कोरोनाची एन्ट्री झाली आहे.
मुरूम येथील एक व्यक्ती पुणे येथे राहत होती. 26 जूनला ते उसाची लागवड करण्यासाठी मुरूम या आपल्या गावी आले होते. लागवडीनंतर पुन्हा तीस तारखेला पुण्याला गेले होते. पुण्यात गेल्यावर त्यांना कोरोनाची लक्षणे जाणवली. त्यामुळे त्यांनी तपासणी करून घेतली. आज ते कोरोना पॉझिटिव्ह निघाले आहेत. चार दिवस मुरूम परिसरात राहून गेल्याने व ऊस लागवड करून घेतल्याने त्यांच्या संपर्कात कोण कोण आले आहे, याची तालुका आरोग्य विभागाकडून तपासणी सुरू आहे.
या रुग्णाच्या निमित्ताने परिसरात प्रथमच कोरनाची एन्ट्री झाली आहे. गेले चार महिने लोकांनी काटेकोर काळजी घेतल्याने परिसर कोरोनामुक्त होता. परिसरात करंजेपूल, वानेवाडी या व्यापारी पेठा असल्याने आता मात्र आणखी काळजी घ्यावी लागणार आहे.
याबाबत तालुका आरोग्य अधिकारी डॉ. मनोज खोमणे यांनी सांगितले की, सदर व्यक्ती पुण्यातलाच रुग्ण म्हणून गृहीत धरण्यात आला आहे. रुग्णाची पत्नी निगेटिव्ह निघाली आहे. मुरुमला चार दिवस असल्याने त्यांच्या घरातील दोन व्यक्तींची तपासणी करण्यात येणार आहे. संपर्कातील अन्य लोकांचीही माहिती घेतली जात आहे. रुग्ण पुण्यात गेल्यावर पॉझिटिव्ह आल्याने येथील लोकांनी घाबरून जाऊ नये, मात्र काळजी घ्यावी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.