सासवड (पुणे) : पुरंदर तालुक्यातील सासवड शहरात कोरोनाने आज पुन्हा उसळी मारली. शहरात कोरोना पाॅझिटिव्ह दिवसात 12 सापडले. तर, ग्रामीणमध्ये वाल्हे येथे एक आढळला. असे एकूण 13 रुग्ण तालुक्यातील आज सापडले. त्यामुळे तालुक्यातील तब्बल 23 गावांत कोरोना संसर्ग पोचला आहे.

आळंदीचे मुख्याधिकारी भूमकर यांची बदली

पुरंदर तालुक्याची आजच्या 13 रुग्णांसह संख्या 132 वर पोचली. एकटे सासवड आज 12 पाॅझिटिव्हसह 93 वर गेले. त्यामुळे शतकाकडे निघालेल्या या शहराची परिस्थिती गंभीर बनली आहे. लाॅकडाउन पुढे वाढविला नाही; तर नियंत्रण राहणार नाही,  हे स्पष्ट आहे. आज सासवड शहरातील खंडोबानगर, एसटी स्थानकमागे, गिरमे गल्ली, जय महाराष्ट्र चौक, सोपाननगर आदी भागात रुग्ण आढळून आले. पण, छोट्या लांडगे गल्लीत आज पुन्हा पाच रुग्ण सापडले. 

रांजणगाव गणपती येथील तिघांची कोरोनावर मात

सासवड शहरातल्या एकूण 93 रुग्णांमधील एकट्या लांडगे गल्लीतील आजच्या पाचसह 35 रुग्ण आहेत. या गल्लीतील अनेक होम क्वारंटाइन लोकही फिरताना दिसतात, अशी तक्रार आल्याने गुन्हे दाखल करणार आहे, असे पालिका मुख्याधिकारी विनोद जळक यांनी पत्रकार परिषदेत स्पष्ट केले. या वेळी आमदार संजय जगताप म्हणाले की, सासवड शहरातील सर्वच लोकांनी सुजाणपणा दाखवावा, निष्काळजी लोकांनी शहाणे व्हावे कोरोनाबाबतची शिस्त बारकाईने अंमलात आणा. नाहीतर माफी नाही. या वेळी तहसीलदार रुपाली सरनौबत, सासवडचे पालिका मुख्याधिकारी विनोद जळक, तालुका गट विकास अधिकारी मिलिंद टोणपे, सार्वजनिक बांधकाम विभागाचे अनिल शिंदे आदी उपस्थित होते.

दुरुस्तीसाठी थांबलेल्या लालपरीला अचानक आग
 
दरम्यान, आज तालुक्यातील ग्रामीणमधील वाल्हे येथे एक पाॅझिटिव्ह सापडला. विशेष म्हणजे गुरोळी, मांढर व सासवड पाठोपाठ धनकवडीचा तालुक्यातील कोरोनाबाधीतचा चौथा बळी गेला. काल रात्री केतकावळे येथील कोरोना पार्श्वभूमी असलेल्या कुटुंबात एकाचा मृत्यू झाला. त्याचा कोरोनाबाबत रिपोर्ट येणे बाकी आहे. 

पुण्याच्या इतर बातम्या वाचण्यासाठी येथे क्लिक करा  

सासवडचा लाॅकडाउन थोडा फायदेशीर ठरतोय, असे वाटतेय.  त्यातून सासवड शहरातील लाॅकडाऊन पंधरा दिवस पुढे नेण्यासारखी दुसरी उपाययोजना हातात नाही. तसेच, पुणे व बाहेर गावाहून ये- जा करणाऱ्यांना होम क्वारंटाइन पद्धतीत रोखले तर नियंत्रण मिळण्याच्या आशा आहेत. शिवाय ग्रामीण भागात 23 गावात कोरोनाचा शिरकावा झाला आहे, तोही रोखला पाहिजे.