सासवड (पुणे) : पुरंदर तालुक्यातील 
सासवड शहरातील  कोरोना पाॅझीटिव्ह रुग्णाच्या थेट संपर्कातील सातजण व जवळार्जुन येथील सात व्यक्तींचे कोरोना तपासणीचे अहवाल निगेटिव्ह आले आहेत. दरम्यान, रुग्ण संख्या सातवर व  नवीन संपर्कातील लोक वाढल्याने डोकेदुखी कमी होत नाही. त्यामुळे कोरोनामुक्त पुरंदर होणे अजून दूरवरच चालले आहे. तरीही मांढर येथील रुग्णाच्या मृत्यूने व आणखी एकाच्या मृत्यूने आणि मुंबई व पुणे कनेक्शनमधून धाकधूक सतावतेय.

आणखी वाचा - वाचा चक्रीवादळ आणि पुण्यातल्या उपाययोजना 

पुरंदर तालुक्यतील जवळार्जुन येथील थेट संपर्कामधील 8 पैकी 7 लोकांचे अहवाल निगेटिव्ह आले आहेत. एक प्रलंबित आहे. मांढर येथील 22 थेट संपर्कातील  लोकांना सासवड येथे ट्रिपल कोविड केअर सेंटरमध्ये ठेवण्यात आले आहे. मात्र, सुपे, सासवड, जवळार्जुनसह कोडीतचे रुग्ण बरे झाल्याचा अहवाल नाही. जेजुरीपाठोपाठ वीरचा पोलिस रुग्ण बरा झाला. वीरचे सातजण घरी सोडल्यानंतर सुपे येथील रुग्णाच्या संपर्कातील 16 निगेटिव्ह घरी सोडले. कोडीतचे रुग्ण संपर्कातील पाचपैकी चार निगेटिव्ह आलेत.

आणखी वाचा - पुण्यातून प्रवास करणार असला तर ही बातमी वाचा

मांढर येथील कोरोनाबाधित रुग्णाचा मृत्यू झाल्यानंतर तालुका खडबडून जागा झाला आहे. तसेच, मांढरधील आणखी एकाचा आकस्मिक मृत्यू चक्रावून टाकणारा आहे. वीर  गावातील कोरोना पाॅझीटिव्ह रुग्णाच्या थेट संपर्कातील सातजण तपासणीत निगेटिव्ह आले आहेत. त्यांना घरी होम क्वारंटाइन होण्यासाठी कोविड केअर सेंटरमधून सोडण्यात आले. सुपे येथील रुग्णाच्या थेट संपर्कातील 17 व्यक्तींचे अहवाल निगेटिव्ह आले आहेत. त्यामुळे पुरंदरकरांना बर्‍यापैकी दिलासा मिळाला आहे. 

 पुण्याच्या इतर बातम्या वाचण्यासाठी येथे क्लिक करा

दरम्यान, बाहेरगावाहून आलेले तर शाळांमधील क्वारंटाइन व होम  क्वारंटाइन हजारो आहेत. त्यातून प्रत्येक गावात धाकधूक आहे. त्यावर प्रशासनाची नजर आहे. त्यांनी बाहेर न फिरण्याचे सक्त आदेश आहेत. लाॅकडाऊन असला तरी बरीच बंधने शिथिल झाली. सवलतींमुळे नोकरदार पुण्यात जाऊ व येऊ लागले. अशा मंडळींनी कामावरून आल्यावर होम क्वारंटाइन व्हायचे असते, पण थोडा अपवाद वगळता बाकी शेकडो लोक नियम पाळत नाहीत.  त्यांना आवरण्यासाठी दवंडी देऊनही उपयोग होईना. त्यामुळे मुंबई कनेक्शनमधील दोन रुग्ण आणि पुणे कनेक्शनधून चार रुग्ण सापडले. बाहेरुन आलेले शेकडो लोक क्वारंटाइन आहेत. मुंबईकर तर इतके आलेत आणि रोज शेकडो येतच आहेत. त्याच्यातून आजही धाकधूक गावागावात आहे. काळजी वाढली आहे.