पुणे : कोरोनाची लागण झालेल्या रुग्णांवर उपचार करण्यासाठी ससून रुग्णालय खास कंत्राटीपद्धतीने नर्सेस नियुक्त करण्यात आले आहेत. दिवसरात्र जीव धोक्यात घालून रुग्णसेवा करणाऱ्या या 'कोरोना योद्ध्यां'ना मात्र प्रतिक्षा आहे ती जून महिन्याच्या पगाराची.
पुण्याच्या बातम्या वाचण्यासाठी येथे क्लिक करा
पुणे शहरात 'कोरोना'च्या साथीचे थैमान सुरू असताना रुग्णांवर उपचार करण्याची महत्त्वाची जबाबदारी ससून रुग्णालयाला पार पाडावी लागत आहे. यासाठी ससूनमधील नवीन ११ मजली इमारतीमध्ये 'कोवीड' सेंटरही सुरू केले आहे. तेथील रुग्णांवर उपचार करताना ससून मधील इतर विभागात त्याचा परिणाम होऊ नये म्हणून काळजी घेतली गेली. यासाठी 'करीयर झोन रिक्रुटींग एलएलपी' या संस्थेच्या माध्यमातून कंत्राटी पद्धतीने ११५ पेक्षा नर्स, ब्रदर, नर्स इनचार्ज यांची नियुक्ती करण्यात आली आहे.
इंधन दरवाढीचा वेग सुसाट; पेट्रोल स्थिर, डिझेलची मात्र दरवाढ मात्र सुरूच
'कोवीड' सेंटर मध्ये काम करण्याचे अवघड काम हे नर्सेस करत असताना लालफितीच्या कारभाराचा फटका या कर्मचाऱ्यांना बसला आहे. जुलै महिन्यातील २० तारीख ओलांडून गेली तरी जून महिन्याचा पगार झालेला नाही. हे कर्मचारी पगाराबाबत चौकशी करत आहेत, पण अद्याप त्यांना समाधानकारक उत्तर दिले गेले नाही, जे वारंवार पाठपुरावा करत आहेत, त्यांना उडवा उडवीची उत्तरे दिली जात आहेत. सध्या जे नर्स, ब्रदर ससून मध्ये कार्यरत आहेत, त्यांच्याकडे 'सकाळ'ने चौकशी केली असता त्यांनी याबाबत कैफियत मांडली.
ससून रुग्णालयाचे अधिष्ठाता डॉ. मुरलीधर तांबे म्हणाले, "कोवीड' सेंटर मधली कर्मचाऱ्यांच्या पगाराच्या पैसे ११ लाख ६१ हजार ८४६ रुपये १६ जुलै रोजीच करियर झोन रिक्रुटींग एजन्सीकडे जमा केले आहेत, पण का वाटप झाले नाहीत हे माहित नाही."
गटारीसाठी आणली 19 बकरे अन् चोरट्यांनी मारला डल्ला
'करियर झोन रिक्रुटींग एजन्सी'च्या मालक भाग्यश्री ठाकुर म्हणाल्या, ''२५ मे पासून आमच्याकडे काँट्रॅक्ट आले आहे. मेच्या पाच दिवसांचा पगार आम्ही स्वत:हून केला. मात्र, जूनमध्ये जास्त लोकांचा पगार असल्याने प्रशासकीय मंजूरीस वेळ लागला आहे. पुढील एक ते दोन दिवसात सर्वांचा पगार जमा होईल.''
"कोरोना रुग्णांची सेवा होईल, तसेच पगार जास्त मिळेल म्हणून दुसरीकडची नोकरी सोडून ससून मध्ये आलो. पण पगार होत नसल्याने घरातील खर्च कसे भागवायचे
उलट 'कोवीड' सेंटरमध्ये काम करत असल्याने आमचे पगार वेळेत जमा केले पाहिजेत, याकडे लक्ष दिले पाहिजे."
- नर्स, कोवीड सेंटर, ससून रुग्णालय
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.