दौंड (पुणे) : दौंड शहरात कोरोना विषाणूचा प्रादुर्भाव वाढत असून, आज एका रेशनिंग दुकानदारासह तब्बल आठ जणांना बाधा झाली आहे. बाधितांमध्ये २५ वर्षाच्या तरुणापासून ६६ वर्षीय ज्येष्ठ महिलेचा समावेश आहे.

पुणेकरांनी एक महिना रोखली अपेक्षित रुग्णवाढ

दौंड उप जिल्हा रुग्णालयाकडून ४२ जणांचे घशातील स्त्राव तपासणीसाठी पुणे येथे पाठविण्यात आले होते. त्यापैकी १४ जुलै रोजी रात्री आलेल्या अहवालानुसार आठ जणांना बाधा झाली आहे. बाधितांमध्ये एक महिला व सात पुरुषांचा समावेश आहे, अशी माहिती उप जिल्हा रूग्णालयाचे अधीक्षक डॅा. संग्राम डांगे यांनी दिली.

पुण्यात पीएमपी वाहतूक सुरू करण्याबाबत महत्त्वाचा आदेश

दौंड शहर व परिसरात कोरोनाबाधितांच्या संपर्कात आलेल्या महात्मा गांधी चौक, छत्रपती शिवाजी चौक, इरिगेशन कॅालनी, पंचशील थिएटर परिसर, श्री काळभैरवनाथ मंदिर परिसर, श्री विठ्ठल मंदिर परिसर, शालीमार चौक व वडार गल्ली येथील एकूण आठ जणांना आज कोरोनोची बाधा झाली आहे. शहरात १ ते १४ जुलै या कालावधीत तब्बल ४६ जणांना बाधा झाली आहे. 

कोरोनाच्या लढ्यात पुण्यातील गणपती मंडळांचा सहभाग

प्रतिबंधित क्षेत्राचा फज्जा
दौंड शहरातील कोरोना विषाणूचा प्रादुर्भाव रोखण्यासाठी संपूर्ण शहर ५ जुलैपासून पुढील चौदा दिवसांकरिता प्रतिबंधित क्षेत्र म्हणून जाहीर करण्यात आले आहे. परंतु, अत्यावश्यक सेवांसह सर्व प्रकारचे व्यवसाय लपून- छपून सुरू आहे. सर्व प्रकारची वाहतूक सुरू असून, कोणतेही निर्बंध नसल्याने प्रतिबंधित क्षेत्रासंबंधी आदेशाची अंमलबजावणी तर दूर त्याची राजरोस थट्टा सुरू आहे. 

अधिकाऱ्यांच्या अंगावर धावून जाण्याचे प्रकार
प्रतिबंधित क्षेत्रात अत्यावश्यक सेवांच्या व्यतिरिक्त दुकाने सुरू ठेवणे, मास्कचा वापर न करणे, सुरक्षित अंतर न राखणे, सॅनिटायजर चा अभाव, विना मास्क पायी व दुचाकी वाहनांवर फिरणे, आदी प्रकरणी दौंड नगरपालिकेचे अधिकारी व कर्मचारी नागरिकांसह दुकानदारांवर दंडात्मक कारवाई करत आहेत. परंतु, कारवाई दरम्यान काही दुकानदार व दुचाकीस्वार अधिकाऱ्यांच्या अंगावर धावून जात त्यांच्याशी हुज्जत घालत आहेत. 
     
Edited by : Nilesh Shende