बारामती Coronavirus : शहरातील कोरोनाबाधित रुग्णाच्या मुलगा व नातवाची कोरोनाच्या तपासणीचा अहवाल संध्याकाळपर्यंत न आल्याने पुन्हा एकदा हा अहवाल काय येतो याकडे प्रशासनासह नागरिकांचेही लक्ष लागून राहिले आहे. बारामतीत सामाजिक संसर्गाचा (कम्युनिटी स्प्रेड) धोका उदभवू नये यासाठी उपाययोजनांना प्रारंभ झाला आहे.
दरम्यान बारामतीत कोरोनाची सामूहिक लागण झाली आहे की नाही याची तपासणी करण्याचा निर्णय आता प्रशासनाने घेतला आहे. या अंतर्गत आज ज्या भागात कोरोनाग्रस्त रुग्ण सापडले होते अशा भागातील तसेच ज्यांचे वय 60 वर्षांहून अधिक आहे व ज्यांना उच्च रक्तदाब व मधुमेहाचा त्रास आहे अशा 26 जणांच्या घशातील द्रावाचे नमुने अधिक तपासणीसाठी पुण्याला पाठविण्यात आले आहेत, अशी माहिती तालुका आरोग्य अधिकारी डॉ. मनोज खोमणे व सिल्व्हर ज्युबिली रुग्णालयाचे वैद्यकीय अधीक्षक डॉ. सदानंद काळे यांनी दिली.
पुण्याच्या बातम्या वाचण्यासाठी येथे ► क्लिक करा
दरम्यान उद्या आणखी काही जणांच्या घशातील द्रावाचे नमुने घेऊन ते तपासणीसाठी पुण्याला पाठविण्यात येणार आहेत. बारामतीत जे कोरोनाबाधित रुग्ण आहे त्यांना कोणाकडून हा विषाणून प्राप्त झाला आहे त्याचा शोध प्रशासकीय पातळीवर वेगाने घेतला जात आहे. सामाजिक संसर्गाचा धोका पोहोचू नये या साठी प्रशासन आता युध्द पातळीवर प्रयत्न करत आहे.
जे ठणठणीत वाटतात अशाच लोकांकडून ज्यांची प्रतिकारशक्ती कमी आहे अशांना कोरोना विषाणूचा संसर्ग होऊ शकतो ही बाब विचारात घेत प्रशासन त्या दृष्टीनेही शोधमोहिम राबवित आहे. सर्वात पहिल्या रिक्षाचालकाला कोरोनाचा संसर्ग नेमका कोणाकडून झाला हेही अद्याप स्पष्ट झालेले नसल्याने सर्व शक्यता गृहीत धरुन प्रशासन एकत्रित काम करीत आहे. लॉकडाऊन संपल्यानंतर अचानकच हा संसर्ग वेगाने फैलावू नये या दृष्टीने तपासणी केली जात असल्याचे डॉ. खोमणे म्हणाले.
अधिक तपासणी सुरू
दरम्यान, आजपासून बारामतीत पुन्हा अधिक कडक पोलिस तपासणीला नागरिकांना सामोरे जावे लागले. ठिकठिकाणी पोलिसांनी नाकेबंदी केलेली असून ज्यांच्याकडे रस्त्यावर येण्यासाठी ठोस कारण नाही अशांना कारवाईला सामोरे जावे लागत आहे. नागरिकांच्या आरोग्याला धोका पोहोचू नये या उद्देशानेच ही उपाययोजना केली जात असल्याने नागरिकांनीही पोलिस प्रशासनाला सहकार्य करावे, असे आवाहन उपविभागीय पोलिस अधिकारी नारायण शिरगावकर, पोलिस निरिक्षक औदुंबर पाटील यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.