बारामती Coronavirus : शहरातील भाजीविक्रेत्या कुटुंबातील एकाला काल कोरोनाची लागण झाल्याचे निष्पन्न झाल्यानंतर आज त्यांच्या कुटुंबियातील आणखी दोघांनाही कोरोनाची लागण झाल्याचे स्पष्ट झाले. बारामतीत कोरोनाबाधित रुग्णांची संख्या आता चारवर जाऊन पोहोचली आहे. कोरोनाबाधित भाजीविक्रेत्याची सून व मुलगा यांना कोरोनाची लागण झाली आहे.
काल समर्थनगर परिसरातील भाजीविक्रेत्या कुटुंबातील एकाला कोरोनाची लागण झाल्याचे लक्षात आल्याने तातडीने त्यांच्या संपर्कातील बारा जणांना तातडीने पुण्याला तपासणीसाठी पाठविण्यात आले होते. आज या पैकी दोघांचे रिपोर्ट कोरोना पॉझिटीव्ह आल्याने शहरात खळबळ उडाली. दोनच दिवसांत तीन रुग्ण सापडल्याने आता बारामतीत अधिक कडक उपाययोजना प्रशासनाच्या वतीने करण्याची गरज बोलून दाखविली जात आहे. बारामतीत रुग्णांची संख्या चार झाल्यामुळे आता प्रशासनाकडून अधिक कडक उपाययोजना अंमलात आणल्या जातील अशी शक्यता आहे. दरम्यान आता या कुटुंबियांच्या संपर्कात आणखी कोण आले होते, त्यांचीही तपासणी सुरु करण्यात आली आहे. दरम्यान बारापैकी आणखी तीन जणांचे अहवाल अजूनही प्राप्त झाले नसल्याने चिंतेत आणखी भर पडली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.