पुणे : यंदाचे शैक्षणिक वर्षास सुरवात झाली असून राज्यातील शाळा जुलैपासून टप्प्या-टप्प्याने सुरू करण्यात येणार आहेत. आता रेड झोनमधील शाळांसाठी स्वतंत्र नियमावली असणार आहे. ही नियमावली लवकरच जाहीर करण्यात येईल, अशी माहिती शालेय शिक्षण मंत्री वर्षा गायकवाड यांनी दिली.
राज्य सरकारने यंदाचे शैक्षणिक वर्ष नुकतेच सुरू केले असून, राज्यातील शाळांमार्फत ऑनलाईन वर्ग भरविण्यास सुरवात झाली आहे. या पार्श्वतभूमीवर गायकवाड यांनी पत्रकारांशी ऑनलाईनद्वारे संवाद साधला. यावेळी त्यांनी शुल्कवाढ, शुल्क कमी करणे, कोरोनाच्या पार्श्वपभूमीवर शाळांसाठी असणारी नियमावली अशा विविध विषयांवर चर्चा केली. त्या म्हणाल्या, ‘कोरोनाच्या प्रादुर्भावामुळे उद्भवलेली परिस्थिती लक्षात घेता राज्यातील कोणत्याही मंडळाच्या शाळांनी शुल्क वाढ करू नयेत, असे आदेश यापुर्वीच शिक्षण विभागाने दिले आहेत. त्याप्रमाणे शाळांना कोणत्याही प्रकारचे शुल्क वाढविता येणार नाही. तसेच राज्यातील सीबीएसई, आयसीएसई अशा विविध मंडळांच्या शाळांमध्येही यंदा शुल्क वाढ करण्यात येऊ नये, यासंदर्भातील पत्र संबंधित मंडळांना दिले असून त्यांनी त्याबाबत सकारात्मकता दर्शविली आहे.'
राज्यातील शाळांनी ऑनलाईन वर्ग भरविण्यास सुरवात केल्या आहेत. परिणामी प्रत्यक्ष शाळांमधील वीज बिल, शाळा व्यवस्थापन अशा विविध खर्चात मोठी बचत होत आहे. त्यामुळे शाळांनी यंदाच्या शैक्षणिक वर्षाचे शुल्क कमी करावे, अशी मागणी पालक आणि विविध संघटनांमार्फत सातत्याने होत आहे. याबद्दल बोलताना गायकवाड म्हणाल्या, ‘सध्या राज्यातील शाळांनी ऑनलाईन वर्ग सुरू केल्याने शाळेच्या खर्चात बचत होत आहे. त्यामुळे शाळांनी शुल्क 10 ते 20 टक्यांग नी कमी करावे, अशी मागणी पालक करत आहेत. परंतु, शुल्क नियमन कायद्यानुसार शाळांचे शुल्क ठरविण्याचा आणि ते कमी करण्याचा अधिकार शाळेतील पालक-शिक्षक संघाला आहे. त्यामुळे शुल्क कमी करण्याचा निर्णय संबंधित शाळांमधील पालक-शिक्षक संघ आणि शाळा व्यवस्थापनाने एकत्रितपणे घ्यावा.'
शालेय शिक्षण मंत्री वर्षा गायकवाड म्हणाल्या
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.