पिंपरी : ‘कोरोना’चा संशय असलेल्या पिंपरी-चिंचवड शहरातील 41 संशयितांच्या द्रावाचे नमुने पुण्यातील राष्ट्रीय विषाणूविज्ञान संस्था (एनआयव्ही)कडे तपासणीकरिता पाठविण्यात आले आहेत. दरम्यान, शहरात शुक्रवारी (ता.१३) तीन पॉझिटीव्ह रुग्ण आढळले आहेत. आता संशयित रुग्णांची संख्या वाढत आहे.

- आता बातम्या ऐकण्यासाठी डाऊनलोड करा ई-सकाळचे ऍप 

कोरोना बाधित रुग्णांसाठी वायसीएम रुग्णालयात दहा खांटाची व्यवस्था करण्यात आली आहे. तर, भोसरीतील नवीन रुग्णालयात 60 खाटांचे विलगीकरण कक्ष कार्यान्वित करण्यात आला आहे. महापालिकेच्या मासुळकर कॉलनीतील रुग्णालयामध्ये ‘क्वॉरंटाईन’ कक्ष तयार करण्यात येणार आहे.

- काम असेल तरच ऑफिसला या; राज्यात सर्वाधिक कोरोनाग्रस्त पुण्यात!

संशयित म्हणून अनेकजण महापालिका रुग्णालयात दाखल होत आहेत. शहरातील 41 संशयित रुग्णांच्या द्रावाचे नमुने पुण्यातील राष्ट्रीय विषाणूविज्ञान संस्था (एनआयव्ही)कडे तपासणीकरिता पाठविण्यात आले आहेत. दरम्यान, वायसीएममध्ये असलेल्या कोरोना संशयित आणि पॉझिटिव्ह रुग्णांना भोसरीतील रुग्णालयात हलविण्यात आले आहे. त्यादृष्टीने तयारी करण्यात आली आहे. 

- Big Breaking : MPSC च्या आगामी परीक्षांबाबत आयोगाचे स्पष्टीकरण; वाचा सविस्तर बातमी!

भोसरीतील कक्षात दहा जणांना दाखल करण्यात आले आहे. तपासणीसाठी स्वत:हून आलेल्या तसेच महापालिकेच्या पथकांने केलेल्या पाहणीनुसार रेफर करण्यात आलेल्या रुग्णांची प्राथमिक तपासणी केल्यानंतर गरज असेल, तरच आयसोलेशन कक्षात दाखल केले जात आहे. तशा प्रकारच्या वैद्यकीय उपचारांची गरज नसेल तर होम क्वारंटाईनचा सल्ला दिला जात आहे.

- मोठी बातमी : पिंपरी, पुणे परिसरातील शाळा बंद; मुख्यमंत्र्यांची घोषणा

भोसरी रुग्णालयाच्या पहिल्या मजल्यावर सुसज्ज अतिदक्षता कक्ष करण्यात येणार आहे. यामुळे रुग्णाला शहर सोडून बाहेर उपचार घेण्याची गरज लागणार नाही.