पुणे : कोरोनाच्या चाचण्यांची संख्या वाढल्याने रुग्णांच्या संख्येत वाढ होत आहे. त्यामुळे घाबरण्याचे अथवा चिंता करण्याचे कारण नाही. दररोज अधिकाधिक कोरोनाच्या चाचण्या व्हाव्यात, यासाठी दर दिवसाला 500 चाचण्यांचा खर्च करण्याची तयारी पुणे महापालिकेने दर्शविली आहे. यासाठी खासगी लॅब बरोबर बोलणी सुरू असून येत्या दोन दिवसात याबाबत निर्णय होईल, अशी माहिती महापालिका आयुक्त शेखर गायकवाड यांनी दिली.

- '...म्हणून दिवसभर राज्यपालांचा फोन खणखणत राहिला'; काय आहे हे प्रकरण?

गायकवाड यांनी सोमवारी (ता.२२) पत्रकार परिषदेत ही माहिती दिली. राज्य शासनाने कोरोनाच्या चाचण्यांसाठी खासगी लॅबला प्रति चाचणी 2 हजार 200 रुपये इतका दर निश्‍चित केला आहे. सध्यस्थितीत 500 ते 600 चाचण्यांचा अहवाल येण्यास जास्त उशीर होत आहे. त्यामुळे त्यांचे अहवाल येणे मागे राहते.

या पार्श्‍वभूमीवर कोरोना चाचण्यांचा वेग वाढविण्यासाठी आणि लवकर अहवाल मिळण्यासाठी महापालिकेने चाचण्यांचा खर्च उचलण्याची तयारी दर्शविली आहे. त्यासाठी खासगी लॅब चालकांकडून दर मागविण्यात आले आहे. या लॅबने 24 तासात कोरोनाचा चाचणी अहवाल देणे आवश्‍यक असल्याचे आयुक्त गायकवाड यांनी सांगितले. 

- देशात धरणे, शिपींग पोर्टस उभारण्यासाठी लागते पुण्यातील 'या' संस्थेची परवानगी; इतिहास जाणून घ्या!

लॉकडाऊन शिथील केल्यानंतर नागरिकांची ये-जा वाढली आहे. त्यामुळे कंटेन्मेंट झोनमध्ये 60 टक्के कोरोनाचे रुग्ण तर कंटेन्मेंट झोनच्या बाहेर 40 टक्के रुग्ण आढळत आहे. यापूर्वी कंटेन्मेंट झोनच्या बाहेर कोरोनाचे रुग्ण आढळण्याचे प्रमाण हे 15 ते 20 टक्के होते. ते आता वाढलेले आहे. यामुळे दर 15 दिवसांनी कंटेन्मेंट झोनचा आढावा घेण्यात येत होता. तो आता दर आठ दिवसांनी घेण्यात येणार आहे.

- वीजबिलांबाबत महावितरणने काय केला दावा? वीज ग्राहकांनो, वाचा सविस्तर बातमी!

त्यानंतर दर शुक्रवारी कंटेन्मेंट झोन जाहीर केले जाणार असल्याचेही आयुक्त गायकवाड यांनी सांगितले. बालेवाडी स्टेडियम येथे कोरोनासाठी रुग्णालय उभारण्यात आले आहे. हे रुग्णालय मंगळवारपासून (दि.23) सुरू होणार असल्याचेही गायकवाड यांनी सांगितले.

- ताज्या बातम्यांसाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे  क्लिक करा