पुणे - कोरोना प्रतिबंधासाठी सीरम इन्स्टिट्यूटमध्ये उत्पादित होणाऱ्या "कोविशिल्ड' लसीचा वापर करण्याची मंजुरी मागणारा अर्ज सोमवारी करण्यात आला. आपत्कालीन परिस्थितीत लसीच्या वापरासाठी हा अर्ज केला असून, त्यावर पुढील दोन आठवड्यांमध्ये भारताचे औषध नियंत्रक (डीसीजीआय) निर्णय घेतील, अशी माहिती या क्षेत्रात कार्यरत तज्ज्ञांनी सकाळशी बोलताना दिली. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

कोविशिल्ड या "कोविड 19' विषाणू प्रतिबंधक लसीची पहिली मानवी चाचणी पुण्यात 26 ऑगस्ट रोजी भारती हॉस्पिटलमध्ये झाली. गेल्या चार महिन्यांमध्ये देशभरातील शंभर स्वयंसेवकांवर लसीच्या सुरक्षिततेची आणि एक हजार 800 स्वयंसेवकांवर परिणामकारकता तपासणारी मानवी चाचणी करण्यात आली. 

पुणे पोलिसांनी कसली कंबर; आंदोलन शांततेत पार पाडण्यासाठी 20 ठिकाणी चोख बंदोबस्त​

ऑक्‍सफर्ड युनिव्हर्सिटी, ऍस्ट्रॅझेनेका आणि पुण्याची सिरम इन्स्टिट्युट ऑफ इंडिया यांनी एकत्र येऊन लस निर्माण केली आहे. त्यासाठी चिंपांगी अँडिनो व्हायरस याच्याशी बायो इंजिनियरिंगच्या माध्यमातून संयोग करून ही लस तयार करण्यात आली आहे. त्या लसीच्या आपत्कालीन वापरासाठी मान्यता मिळविणारा अर्ज डीसीजीआयकडे करण्यात आला. 

'भारत बंद'मध्ये पुण्यात काय सुरू राहणार? काय राहणार बंद?​

देशभरात कोरोनामुळे रोजच्या रोज शेकडो रुग्णांचा मृत्यू होत आहे. त्यामुळे व्यापक जनहिताचा विचार करून लसीला मंजुरी द्यावी, अशी विनंती कंपनीने केली आहे. 

यापूर्वी अमेरिकेतील औषध निर्माता असलेल्या फायजर कंपनीने लस वापरासाठी डीसीजीआयकडे अर्ज केला आहे. त्या पाठोपाठ आता सिरम इंन्स्टिट्युटनेही असाच अर्ज दाखल केल्याची अधिकृतपणे सांगण्यात आले. 

संभाजी ब्रिगेड केंद्र सरकारविरोधात मैदानात; 'शेतकरीविरोधी कृषी विधेयक रद्द करा!'​

कोविशिल्ड लसीबद्दल मानवी चाचणी करण्यात येत असेलल्या चेन्नईतील एका स्वयंसेवकाने आरोप केले होते. हे सर्व आरोप सिरम इन्स्टिट्यूटने फेटाळले. मात्र, या कोविशिल्ड लसीच्या वापराला परवानगी देण्यापूर्वी या प्रकरणाची सत्यता पडताळली जाईल, असा विश्वास या क्षेत्रातील तज्ज्ञांनी व्यक्त केला.