इंदापूर : इंदापूर पोलिसांनी दि. १६ जानेवारी रोजी रात्री पावणेआठ वाजता तालुक्यातील बावडा दूरक्षेत्र हद्दीत अकलूज रस्त्यावर गस्तीदरम्यान प्राण्यांची निर्दयपणे वाहतूक करणाऱ्या दोन चारचाकी वाहनावर थेट कारवाई करून १८ लाख ८५ हजार रुपयांचा मुद्देमाल जप्त केला. यासंदर्भात पोलिस नाईक अमोल गायकवाड यांच्या फिर्यादी वरून शहबाज़ आयुब कुरेशी ( वय २५ रा. कुरेशी गल्ली, इंदापूर ) व लेलँड गाडी नंबर एमएच ४२ ए क्यु ३६३८ या वाहनावरील पळून गेलेल्या अज्ञातचालका विरुद्ध विविध कलमाखाली गुन्हे नोंदविण्यात (Case File) आले. पैकी शहबाज कुरेशी यास अटक करण्यात आली. (Pune Crime News)

यातील आरोपी १ व २ यांनी त्यांच्या ताब्या तील दोन्ही वाहनात जनावरे कत्तलकरण्याच्या उद्देशाने त्यांना चारा-पाण्याची सोय न करता दाटीवाटीने बांधून निर्दयपणे वाहतूक करत असताना आढळून आले. यावेळी ४५ हजार रुपये किमतीची काळ्या पांढऱ्या रंगाची जर्सी जातीची गाय, ६० हजार रुपये किमतीच्या चार मोठ्या खिलार देशी गाई, प्रत्येकी ८ लाख रुपये किमतीचे एक महिंद्रा कंपनीचे पिकअप ( क्र. एमएच ११ एजी ४५३५ ) व अशोक लेलंड गाडी ( क्र. एमएच ४२ ए क्यु ३६३८) असा एकूण १८ लाख ८५ हजार रुपयांचा मुद्देमाल जप्त करण्यातआला.

सदर कार्यवाही पोलीस अधीक्षक डॉ. अभिनव देशमुख, अपर पोलीस अधीक्षक मिलिंद मोहिते, बारामती उपविभागीय पोलिस अधिकारी गणेश इंगळे यांच्या मार्गदर्शनाखाली वरिष्ठ पोलीस निरीक्षक टी वाय मुजावर, सहायक पोलिस निरीक्षक ज्ञानेश्वर धनवे व महेश माने,पोलीस उपनिरीक्षक सुधीर पाडुळे, सहाय्यक फौजदार सतीश ढवळे व श्री. काझी, पोलीस शिपाई रोहित यादव, होमगार्ड सूरज पोटफोडे या पथकाने केली.