वाघोली (पुणे) :  भावडी,  लोणीकंद,  फुलगाव, वाघोली येथील क्रशर व खाणीचा खडखड सुरू झाला आहे. सुमारे 110 खाणी व 70 क्रशर या भागात आहेत. प्रांत अधिकारी सचिन बारवकर यांनी यासाठी परवानगी दिली असल्याची माहिती कार्याध्यक्ष प्रदीप कंद व उद्योजक बाळासाहेब सातव यांनी दिली.

पुण्यात एका आयटीतील कर्मचाऱ्याला कोरोनाचा संसर्ग 

50 दिवसापासून ही खडखड बंद होती. बांधकामे, मेट्रो, रस्त्यांची कामे व इतर कामे सुरू झाल्याने त्यासाठी खडी, क्रश सँड पुरवठा गरजेचा होता. क्रशर व खाण मालकांचाही उद्योग सुरू करण्याबाबत पाठपुरावा सुरू होता. आजपासून काही खाणी व क्रशर सुरू करण्यात आले आहे. या क्षेत्रातही परप्रांतीय मजूर काम करीत होते. मात्र, ते परतल्याने त्यांचा तुटवडा काही प्रमाणात जाणवणार आहे.

मूर्खपणाचा कहर! चक्क पिण्याच्या पाण्याच्या टाकीत ते करतायेत आंघोळ

सकाळी सात ते रात्री सात पर्यंत ही खड खड सुरू राहणार आहे. ही खडखड सुरू झाल्याने हजारो कामगारांना पुन्हा रोजगार मिळणार आहे. आमदार अशोक पवार, प्रदीप कंद, रामदास दाभाडे व अन्य उद्योजकांनी यासाठी पाठपुरवठा केला. खडी व क्रश सँडची मागणी सध्या कमी असल्याने सर्वच उद्योजक खाणी सुरू करतील असे नाही. मागणी वाढल्यानंतर सर्व खाण व क्रशर सुरू होतील असे उद्योजक संतोष देशमुख यांनी सांगितले.

वाघोली परिसरातील खाण उद्योग क्षेत्राची स्थिती

1. सुमारे 110 खाणी
2. सुमारे 70 क्रशर
3. एकूण कामगार सुमारे -- 4000
4. या क्षेत्रावर अवलंबून असणारे इतर छोटे व्यासायिक सुमारे  -- 2000 ( ट्रॅक्टर, कॉम्प्रेसर, जेसीबी, पोकलांड, डंपर मालक आदी )
5. दररोजचे एकूण उत्पादन -- 700 ब्रास
6. 50 दिवसातील नुकसान -- सुमारे 70 ते 80 कोटी
    

शासनाला मिळेल महसूल
खाण उद्योगातून कोट्यवधींचा महसूल सरकारला मिळतो. लॉक डाऊनमुळे हे क्षेत्रही बंद असल्याने हा महसूल थांबला होता. आता तो पुन्हा मिळेल.

बांधकामे व अन्य कामे सुरू झाल्याने खडी, क्रश सँडचा पुरवठा गरजेचा होता. यासाठी आमचाही पाठपुरवठा सुरू होता. जिल्हाधिकारी यांनी त्याला परवानगी दिली असून सर्व नियमांचे पालन करून खाणी व क्रशर सुरू झाले आहेत.

-प्रदीप कंद, कार्याध्यक्ष, पुणे जिल्हा खाण व क्रशर उद्योजक संघ.
 

पुण्याच्या इतर बातम्या वाचण्यासाठी- क्लिक करा

हे क्षेत्र सुरू झाल्याने त्यावर अवलंबून असणाऱ्या हजारो कामगारांना रोजगार मिळेल. मालाचा पुरवठा झाल्याने कामेही मार्गी लागतील. 

- अशोक पवार, आमदार, शिरूर हवेली.  

 मालाला लगेच तेवढी मागणी नसल्याने उत्पादनही कमी असेल. मात्र 50 दिवस थांबलेले अर्थ चक्र सुरू होईल.

- रामदास दाभाडे, कार्याध्यक्ष, पुणे जिल्हा खाण व क्रशर उद्योजक संघ.