लोणी काळभोर (पुणे) : हवेली तालुक्यातील कदमवाकवस्ती येथील पांडवदंड परिसरात वावर असणारे मात्र तांत्रिकदृष्ट्या फुरसुंगी हद्दीत रहिवासी असलेल्या एका पासष्ठ वर्षीय महिलेसह तीन जण कोरोनाबाधित असल्याचे गुरुवारी (ता. 4) आढळून आले आहे. संबंधित महिलेला हडपसर येथील खासगी रुग्णालयात, तर उर्वरीत दोन जणांना पुण्यातील सिंहगड रस्ता परिसरातील शासकीय रुग्णालयात उपचारासाठी दाखल करण्यात आले आहे.
याबाबत फुरसुंगी येथील प्राथमिक आरोग्य केंद्रांचे आरोग्य अधिकारी डॉ. अरविंद कोकाटे यांनी सांगितले की, पांडवदंड परीसरात वावर असणारे मात्र तांत्रिकदृष्ट्या फुरसुंगी हद्दीत रहिवासी असलेल्या तीन जणांचा कोरोना रिपोर्ट पॉझिटिव्ह आला आहे. संबधित महिलेच्या संपर्कात आलेले पाच जण, तर उर्वरीत दोन जणांच्या संपर्कात आलेले तीन जण, अशा आठ जणांना क्वारंटाइन करण्यात आले आहे.
संबंधीत तीनही कोरोनाबाधीत फुरसंगी हद्दीतील रहिवासी असले, तरी वरील तीनही रुग्णांचा व त्यांच्या नातेवाईकांचा वावर कदमवाकवस्ती हद्दीतील पांडवदंड परिसरात आहे. त्यामुळे या परिसरात भितीचे वातावरण पसरले आहे. कवडीमाळवाडी परिसरात दहा दिवसांपूर्वी एक कोरोनाबाधित रुग्ण आढळून आला आहे. त्यामुळे कदमवाकवस्ती गाव यापूर्वीच बफर झोनमध्ये आहे. त्यातच वरील रुग्ण आढळुन आल्याने भितीचे वातावरण पसरले आहे.
याबाबत डॉ. अरविंद कोकाटे म्हणाले की, कोरोनाबाधित तीन रुग्णांपैकी पासष्ठ वर्षीय महिलेवर हडपसर येथील खासगी रुग्णालयात, तर उर्वरीत दोन जणांवर सिंहगड रस्ता परिसरातील शासकीय रुग्णालयात उपचार चालू आहेत. वरील तीनही रुग्ण राहत असलेल्या भागाचे निर्जंतुकीकरण करण्यात आले आहे. तीनही रुग्णांच्या संपर्कात आलेल्या आठ जणांना घरीच क्वारंटाइन करण्यात आले आहे.
कदमवाकवस्तीचे ग्रामविकास अधिकारी प्रविण देसाई यांनी सांगितले की, वरील तीनही रुग्ण फुरसंगी हद्दीतील रहिवाशी आहेत. त्यामुळे याबाबत योग्य ती काळजी घेण्याबाबत महानगरपालिकेशी पत्रव्यवहार करण्यात आला आहे. या तीनही नागरिकांचा वावर हा पांडवदंड परिसरात आहे. पांडवदंड परिसरातील नागरिकांना घरातून बाहेर पडताना योग्य ती काळजी घेण्याच्या सूचना करण्यात आल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.